Amos 1:11 - Mbeti ti Nzapa - Tënë so amu fini

¹¹ Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:11 ပူးပေါင်းရင်းမြစ်များ

2 Mbai 20:10

Fadeso azo ti Amon, ti Moab nga na azo so ayeke lango na sese ti ahoto ti Seir ayeke ga ti tiri bira na e. Na ngoi so akotara ti e asigigi ando na sese ti Ezipte, mo ke na ala titene ala hon na ya ti akodro ti amara so. Akotara ti e ahon na mbeni lege nde si ala fâ azo ni pepe ti hunzi ala.

2 Mbai 20:11

Me laso, ye so ala ye ti futa na e, ayeke ti ga ti tumba e na ndö ti sese so mo mu na e!

2 Mbai 28:17

Azo ti Edom akiri aga atiri bira na azo ti Juda si ala gbu ambeni zo ni ti ga azo ti kanga.

Abia (Psaumes) 137:7

KOTA GBIA, dabe ti mo na azo ti Edom; ando, na ngoi so ye ti ngangu asi na Jérusalem, ala tene: “Kungbi ni, kungbi ni ngbii asi na agere ni kue!”

Abia (Psaumes) 85:5

Nzapa, wasongo e, sara si e kiri maa! Zia ti bata e na be.

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Ésaïe 57:16

Biani, mbi yeke bi tënë na li ti azo lakue pepe, wala mbi yeke sara ngonzo lakue lakue pepe. Tongaso pepe, azo so kue mbi sara ala, ka ala yeke kui.

Osée 8:3

Me azo ti Israel ake nzoni ye awe; fade wato ayeke tumba peko ti ala.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Malashii 1:2

KOTA GBIA atene na azo ti lo: “Mbi ye ala.” Me ala tene: “Nyen laa afa atene mo ye e?” KOTA GBIA akiri tënë: “Ezau ayeke ita ti Jacob pepe? – So tënë ti yanga ti KOTA GBIA laa – Andaa mbi ye Jacob,

Malashii 1:4

Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

Efeze 5:1

Ala yeke amolenge so Nzapa aye ala mingi. Tongaso, ayeke nzoni ala sara ye tongana lo.

Ndia ti fani use ni 23:7

Na ngoi so kue ala yeke ngba na fini, fade ala yeke gi maingo ti azo ti mara ni so oko pepe, ala yeke gi nzoni dutingo ti ala oko pepe.