Amos 1:1 - Mbeti ti Nzapa - Tënë so amu fini

¹ So ayeke atënë ti Amos, mbeni wabatango-taba ti kete kodro ti Tekoa. Na ya ti mbeni ye tongana bango-li, lo baa ye na ndö ti Israel na ngoi so Ozias ayeke gbia ti Juda si Yeroboam, molenge ti Yoas, ayeke gbia ti Israel. Ye ni asi ngu use kozoni si sese ayingi.

Amos 1:1 ပူးပေါင်းရင်းမြစ်များ

2 Samuel 14:2

Nilaa lo tokua azo na gbata ti Tekoa ti iri mbeni wali ti ndara. Lo tene na wali ni, lo tene: “Fade mo sara ye tongana zo so ayeke na mua; yu abongo ti mua, zia yombo na tere ti mo pepe. Mo sara ye tongana mbeni wali so ayeke na mua aninga awe.

1 Agbia 19:19

Élie alondo kâ si lo hon. Lo gue, lo wara Élisée, molenge ti Shafat so lo ngba ti fâ yaka na abagara baleuse na osio so a kanga ala use use. Élie ahon nduru na tere ti Élisée, lo mu kota bongo ti lo si lo bi na ndö ti Élisée.

2 Agbia 14:21

Azaria ayeke na ngu baleoko na omene si azo ti Juda kue amu lo gbia na peko ti babâ ti lo Amasia.

2 Agbia 14:23

Na ngu baleoko na oku ni so Amasia, molenge ti Yoas ayeke gbia ti Juda laa Yeroboam, molenge ti Yoas, gbia ti Israel aga gbia na gbata ti Samarii. Lo le-gbia ngu baleosio na oko.

2 Mbai 11:6

Betlehem, Etam, Tekoa,

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Sigingo 3:1

Moïse ayeke bata ataba na angasa ti kogara ti lo Zetro, wayango-sandaga ti azo ti mara ti Madian. Mbeni lâ, lo mu anyama ni, lo gue na ala na mbage ti benyama kâ, lo si na Horeb, hoto ti Nzapa.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Jérémie 1:1

So ayeke atënë ti Jérémie, molenge ti Hilkia. Lo yeke mbeni oko na popo ti awayango-sandaga so ayeke lango na Anatot, na sese ti Benjamin.

Jérémie 28:8

Awayanga-Nzapa ayeke daa ngbene ye ngu na ngu kozoni na mbi nga kozoni na mo. Ala tene peko ti atënë ti yanga ti KOTA GBIA na ndö ti akodro mingi nga na ndö ti akota kodro-gbia. Ala tene tënë ti bira, ti sioni kpale na ti sioni kobela ti bubango kodro.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Jérémie 7:27

“Ti mo Jérémie, fade mo yeke tene peko ti atënë so kue na ala, me ala yeke ma mo pepe. Mo yeke iri ala, me ala yeke yeda pepe.

Osée 1:1

Tënë ti *KOTA GBIA asi na Osée, molenge ti Beeri na ngoi so Ozias, Yotam, Ahaz na Ezekias ayeke agbia ti Juda. Gi na oko ngoi so Yeroboam, molenge ti Yoas ayeke gbia ti Israel.

Amos 7:14

Amos akiri tënë na Amasia, atene: “Mbi yeke wayanga-Nzapa pepe, mbi yeke nga na ya ti mbeni bongbi ti awayanga-Nzapa pepe; kua ti mbi ayeke ti batango anyama, ti lekengo tere ti akeke ti sikomor.

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.

Zakarii 14:5

Fade ala yeke mu lege ti popo-hoto ti mbi ti kpe ti hon, ngbanga ti so popo-hoto ni ague ngbii asi na Asal. Ala yeke kpe tongana ti so akotara ti ala akpe ando na lango so sese ayingi, na ngoi so Ozias ayeke gbia ti sese ti Juda. Na pekoni, fade KOTA GBIA, Nzapa ti mbi ayeke si, lo na *a-ange ti lo kue.

Matthieu 4:18

So Jésus ayeke tambula na yanga ti kota ngu ti Galile, lo baa a-ita use so ayeke azo ti gingo susu: Simon so mbeni iri ti lo ayeke Pierre, lo na ita ti lo André; ala yeke bi gbanda ti ala na ya ti kota ngu ni ti gi na asusu.

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.