Amato 9:10 - Mbeti ti Nzapa - Tënë so amu fini

¹⁰ Kpengo mbeto ti KOTA GBIA ayeke tongo nda ti dutingo na ndara. Hingango lo so ayeke nde si ayeke nzoni kue, taa hingango ye laa.

Amato 9:10 ပူးပေါင်းရင်းမြစ်များ

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Abia (Psaumes) 34:12

Amolenge ti mbi, ala ga, ala ma mbi si! Fade mbi yeke fa na ala lege ti kpengo mbeto ti KOTA GBIA.

Amato 1:7

Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.

Amato 2:5

Tongana mo sara tongaso, fade mo yeke hinga nda ti kpengo mbeto ti KOTA GBIA, mo yeke wara lege ti hinga Nzapa.

Amato 30:3

Mbi manda ndara laoko pepe; lo so ayeke nde si ayeke nzoni kue so, mbi de ti hinga tënë na ndö ti lo pepe.

Zo ti bongbingo azo 12:13

Atënë so kue e tene ge so, kota tënë ni ayeke so: kpe mbeto ti Nzapa, mo sara ye alingbi na andia ti lo, ngbanga ti so gi ye so zo alingbi ti sara ni laa.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.