Amato 8:7 - Mbeti ti Nzapa - Tënë so amu fini

⁷ Biani, mbi yeke tene taa-tënë, ngbanga ti so mbi ke na kuru go asioni tënë.

Amato 8:7 ပူးပေါင်းရင်းမြစ်များ

Mbeti ti Job 36:4

Taa-tënë biani, tënë ti mbi ayeke mvene pepe; taa zo ti hingango ndo laa ayeke na tere ti mo so.

Abia (Psaumes) 37:30

Zo ti mbirimbiri ayeke tene atënë ti ndara; menga ti lo ayeke sigigi na tënë ti mbirimbiri.

Amato 12:22

Be ti KOTA GBIA ake mingi azo ti mvene; me lo ye azo so ayeke sara ye na lege ti taa-tënë.

Amato 16:12

Be ti agbia ake mingi tënë ti sarango ye ti sioni, ngbanga ti so sarango ye ti mbirimbiri laa ayeke sara si mbata ti ala aluti mbirimbiri.

Amato 29:27

Be ti azo ti mbirimbiri ake azo ti kirikiri mingi; be ti azo ti sioni ake azo so sarango ye ti ala ayeke na legeni.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 17:17

Bata ala nde ndali ti mo na lege ti taa-tënë; tënë ti mo ayeke taa-tënë.

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 8:14

Jésus akiri tënë na ala: “Ataa mbi tene tënë na ndö ti mbi wani, tënë ti mbi ayeke taa-tënë, ngbanga ti so mbi hinga ndo so mbi londo daa nga na ndo so mbi yeke gue daa. Ti ala afarizien, ala hinga ndo so mbi londo daa pepe wala ndo so mbi yeke gue daa pepe.

Rome 15:8

Biani, mbi tene na ala: Nzapa angba na ndö ti tënë so lo tene. Ndani laa Christ aga zo ti sarango kua na azuife ti sara ye alingbi na zendo so Nzapa amu ando na akotara ti e.

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene: