Amato 8:5 - Mbeti ti Nzapa - Tënë so amu fini

⁵ Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Amato 8:5 ပူးပေါင်းရင်းမြစ်များ

Abia (Psaumes) 19:7

Lo londo na mbeni mbage ti le ti nduzu, lo gue ngbii lo si na mbeni mbage ti le ti nduzu ni; ye kue ayeke na gbe ti ngangu ti sungo ti lo.

Abia (Psaumes) 94:8

Ala abuba zo so, mbeni zo ti buba ti lingbi na ala ayeke daa? Ala sara hange si! Ala, azo so li ti ala ayeke daa pepe so, ala yeke hinga ande ndo lawa?

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 1:32

Ngangu li ti azo so li ti ala ayeke daa pepe laa ayeke fâ ala; kangango le na ndö ti akpale laa ayeke fâ azo so ahinga ndo pepe.

Amato 1:4

Amato ni ayeke sara titene zo so le ti lo ahan pepe, le ti lo ahan; ala yeke sara nga titene amaseka ahinga ndo si ala wara nzoni gbungo-li.

Amato 3:35

Ye so ayeke ga ti azo ti ndara ayeke gonda; me ti azo ti buba, kamene ayeke gbu le ti ala.

Amato 8:12

“Mbi Ndara, mbi na hingango ndo, e yeke duti na ndo oko. Mbi hinga ti sara ye na lege ti gbungo-li.

Amato 8:4

“Ala azo laa, mbi yeke iri ala; mbi yeke tene tënë so na ala kue.

Amato 9:4

“Ala azo so le ti ala ahan pepe so, ala ga na mbage ge!” Lo tene na azo so ahinga ndo pepe so, lo tene:

Ésaïe 42:13

KOTA GBIA ayeke sigigi tongana kpengba turugu; lo yeke tongana zo ti tiringo bira so nzara ti tiringo bira ayeke kporo kporongo na be ti lo. Lo dekongo ti bira, lo dekongo ngangu si lo hon ndö ti awato ti lo.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

1 Korente 1:28

Ye so azo ti dunia so abaa na le ti ala tongana kete ye, tongana mbumbuse ye, tongana ye so akpa ye oko pepe, Nzapa asoro ni ti buba na ye so azo ni abaa tongana kota ye na le ti ala.