Amato 8:21 - Mbeti ti Nzapa - Tënë so amu fini

²¹ Kâ, mbi yeke sara si azo so aye mbi awara anzoni ye; mbi yeke sara si da ti ala asi singo na mosoro.

Amato 8:21 ပူးပေါင်းရင်းမြစ်များ

Tongo nda ti aye 15:14

Fade mbi yeke fâ ngbanga na li ti azo ti mara so ayeke sara ahale ti mo na ngbaa so; na pekoni, ahale ti mo ayeke sigigi na gbe ti ngbaa ni na aye mingi na maboko ti ala.

Abia (Psaumes) 16:11

Mo yeke fa na mbi lege ti duti na fini; na dawa ti mo, ngia asi singo, na mbage ti maboko ti mo ti koli, anzerengo ye ayeke daa kpu na kpu!

Amato 1:13

Fade e yeke wara aye nde nde ti ngangu ngere si ya ti ada ti e ayeke si singo na aye so e gbu.

Amato 10:22

Tufa ti KOTA GBIA laa ayeke sara si zo awara mosoro; ngangu so zo asara azia ye oko daa pepe.

Amato 15:6

Ya ti da ti zo ti mbirimbiri asi singo na mosoro; me aye so zo ti sioni awara aga na akpale na ndö ti lo.

Amato 21:20

Na da ti zo ti ndara, gba ti anzoni ye na apendere kobe ayeke daa; me zo ti buba abuba ti lo aye ni kue.

Amato 24:4

na lege ti hingango ye si ya ti akubu ti da ni asi singo na aye ti ngangu ngere nga na apendere ye.

Amato 6:31

Me tongana a gbu lo, alingbi lo kiri na ye ni fani mbarambara; ataa akungba ti ya ti da ti lo kue, alingbi lo ga na ni.

Amato 8:18

Mbi yeke mu na azo mosoro na gonda, anzoni ye so angba lakue nga na futa so alingbi.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.

1 Pierre 1:4

E yeke ku nga ti wara aye so Nzapa ayeke mu na azo ti lo titene aga ti ala. Aye ni alingbi ti buba pepe, ye ti sioni alingbi ti si na tere ni pepe si pendere ni alingbi ti hon nga pepe. Nzapa ayeke bata aye ni ti ku na ala na yayu.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.