Amato 8:19 - Mbeti ti Nzapa - Tënë so amu fini

¹⁹ Aye so mbi yeke mu na azo ayeke nzoni ahon lôro ti nzoni ni; ye so zo awara na pekoni ayeke kota ahon wen ti nginza ti nzoni ni.

Amato 8:19 ပူးပေါင်းရင်းမြစ်များ

Mbeti ti Job 28:15

Zo alingbi ti mu ngbongboro lôro ti vo na Ndara pepe; zo alingbi ti mu gba ti nginza ti vo na ni pepe.

Mbeti ti Job 28:19

Ngere ti topaze ti Etiopii alingbi nga na ngere ti Ndara pepe; ataa lôro ti nzoni ni, ngere ti lo alingbi na ti Ndara pepe.

Amato 10:20

Atënë ti zo ti mbirimbiri ahon wen ti nginza ti nzoni ni; atënë ti be ti zo ti sioni ayeke ye oko pepe.

Amato 16:16

Titene zo awara ndara, so laa ayeke nzoni ahon titene lo wara lôro ti nzoni ni. Titene zo awara hingango ndo, so laa ayeke nzoni ahon titene lo wara wen ti nginza.

Amato 3:14

Tongana zo awara ndara, lo yeke baa nzoni daa ahon warango nginza; nzoni ye so lo wara daa ahon lôro.

Amato 8:10

Ala soro wango ti mbi, me nginza pepe; ayeke nzoni ala ye hingango ye ahon lôro ti nzoni ni.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Zo ti bongbingo azo 7:12

Ndara ayeke bata zo tongana ti so nginza ayeke bata zo. Ndara asara si gigi ti zo ague, ayo, nilaa ayeke nzoni, zo aduti na ndara.