Amato 8:15 - Mbeti ti Nzapa - Tënë so amu fini

¹⁵ Mbi laa mbi yeke mu lege na agbia ti le-gbia nga na akota zo ti kodro ti leke andia mbirimbiri.

Amato 8:15 ပူးပေါင်းရင်းမြစ်များ

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

1 Agbia 3:9

Tongaso, mu na mbi, zo ti kua ti mo hingango ndo so alingbi titene mbi sara na komandema na ndö ti azo ti mo, titene mbi hinga ye so ayeke nzoni na ye so ayeke sioni. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

1 Agbia 5:7

Agovoronere baleoko na use so gbia Salomon asoro ala ayeke gi kobe ndali ti gbia na azo so kue ayeke ga ti te kobe na ndö ti meza ti lo. Na ya ti nze oko oko, mbeni govoronere oko ayeke sara kue titene kobe atia pepe.

1 Mbai 28:5

KOTA GBIA amu na mbi amolenge-koli mingi. Na popo ti amolenge ni, lo soro Salomon, molenge ti mbi titene lo duti na ndö ti mbata ti gbia na sese ti Israel si lo le-gbia na iri ti KOTA GBIA.

2 Mbai 1:10

Ti fadeso, mu na mbi ndara na hingango ndo titene mbi hinga ti fa lege nzoni na azo so. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

2 Mbai 1:11

Nzapa atene na Salomon: “Mo hunda pepe ti wara gba ti mosoro, wala anzoni ye, wala gonda, wala kuâ ti awato ti mo; mo hunda nga pepe ti duti na gigi aninga. Me mo hunda ndara na hingango ndo titene mo sara na komandema na ndö ti azo ti mbi so mbi zia mo gbia na ndö ti ala. Ndali ti so be ti mo asara nzara ti aye tongaso,

Abia (Psaumes) 2:10

Ala, agbia, fadeso ala sara ye na ndara si! Ala, amakonzi ti sese, ala ga azo ti mango ndo si!

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Amato 29:4

Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Amato 8:16

Mbi laa mbi yeke mu lege na amakonzi, na akota zo nga na azo so kue ayeke fâ ngbanga mbirimbiri ti sara komandema.

Ésaïe 1:26

Mbi yeke kiri ti mu na mo awafango-ngbanga tongana ti ando; mbi yeke kiri ti mu na mo awamungo-wango tongana ti kozoni. Na pekoni, fade azo ayeke mu iri na mo, atene: ‘Gbata ti fango ngbanga ti mbirimbiri’, ‘Gbata so abata be ti lo Nzapa’.”

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Daniel 4:32

Lo baa azo ti sese kue na le ti lo tongana ye senge, lo yeke sara ye so be ti lo aye na aye so ayeke na yayu nga na azo ti sese. Ye so lo ye ti sara, zo oko alingbi ti kanga lege ni na lo pepe, wala zo oko ti tene na lo: ‘Nyen laa mo yeke sara so?’, zo ni ayeke daa pepe.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Rome 13:1

Alingbi azo kue ama yanga ti akota zo ti li ti kodro, ngbanga ti so komandema kue alondo na Nzapa; akota zo ti li ti kodro, Nzapa laa azia ala na ndö ti mbata ti komandema.

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 9:17

Gi so Samuel abaa Saul awe, KOTA GBIA atene na lo: “Baa koli so mbi tene tënë ti lo na mo laa. Lo laa lo yeke sara ande komandema na ndö ti azo ti mbi.”