Amato 8:14 - Mbeti ti Nzapa - Tënë so amu fini

¹⁴ Kua ti mbi ayeke ti mu wango na azo; mbi yeke mu lege na ala ti sara aye ti ala nzoni. Mbi laa mbi yeke hingango nda ti aye; ngangu ayeke ti mbi.

Amato 8:14 ပူးပေါင်းရင်းမြစ်များ

Mbeti ti Job 12:13

Andaa ndara na ngangu ayeke ti Nzapa; wango na hingango nda ti ye ayeke ti lo.

Amato 1:25

Awango ti mbi kue, ala ke ni; mbi gboto mê ti ala, ala yeda pepe.

Amato 18:1

Zo so aye ti duti gi lo oko, lo yeke gi gi nzoni ti lo wani. Tongana a ye ti mu na lo wango, lo yeke sara ngonzo.

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Amato 24:5

Zo ti ndara ayeke ngangu zo; zo ti hingango ye asara titene ngangu ti lo akiri akono ahon ti kozoni.

Amato 3:21

Molenge ti mbi, ayeke nzoni hango le na nzoni gbungo-li aga aye ti tere ti mo; alingbi mo zia ni laoko pepe.

Zo ti bongbingo azo 7:19

Ndara ayeke sara si zo ti ndara ayeke na ngangu mingi ahon amakonzi baleoko so ayeke na ya ti mbeni gbata.

Ésaïe 28:29

Ye so kue alondo na *KOTA GBIA so lo yeke na ndö ti dunia kue, lo so wango ti lo ayeke sara si be ti zo ado, ndara ti lo ayeke kota.

Ésaïe 40:14

Zo wa laa Nzapa abaa lo titene zo ni azi le ti lo si lo fâ ngbanga nzoni, zo wa? Zo wa laa afa na lo hingango nda ti aye, zo wa? Zo wa laa afa lege ti hingango ndo na lo, zo wa?

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Jean 1:9

Tënë ni ayeke taa lumiere so aga na ndö ti dunia so; lo za si zo oko oko abaa ndo polele.

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

1 Korente 1:24

Me na le ti azo so Nzapa airi ala, ataa ala yeke azuife wala agreke, Christ laa ayeke ngangu nga na ndara ti Nzapa.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

Kolose 2:3

Nzapa ahonde amosoro kue ti ndara na ti hingango ndo na ya ti Christ.