Amato 8:13 - Mbeti ti Nzapa - Tënë so amu fini

¹³ Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Amato 8:13 ပူးပေါင်းရင်းမြစ်များ

Mbeti ti Job 1:1

Ando, na kodro ti Us, mbeni koli ayeke daa, iri ti lo Job. Koli so ayeke sara ye na legeni, mbeni tënë ayeke na li ti lo pepe. Lo yeke kpe mbeto ti Nzapa si lo yeke kpe lege ti sarango sioni.

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 101:3

Fade mbi yeke zia le ti mbi angba na ndö ti ye ti sioni pepe. Be ti mbi ake sarango ye ti azo so ake mo, ngbanga ti mbi ayeke na sarango ye ti ala ni pepe.

Abia (Psaumes) 119:104

Ndali ti andia ti mo, mbi ga zo ti hingango nda ti aye, tongaso si mbi ke alege kue ti mvene.

Abia (Psaumes) 119:128

Mbi baa so andia ti mo ayeke mbirimbiri, be ti mbi ake alege kue ti mvene.

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Abia (Psaumes) 97:10

Ala so ala ye KOTA GBIA, ala ke ye ti sioni; lo yeke bata fini ti azo ti lo, lo yeke zi ala na maboko ti azo ti sioni.

Sigingo 1:17

Me awali so ayeke mu molenge na tere ti awali akpe mbeto ti Nzapa; ala ke ti sara ye alingbi na yanga so gbia ti Ezipte amu na ala. Tongaso ala zia amolenge-koli angba na fini.

Amato 10:31

Atënë ti ndara ayeke sigigi na yanga ti zo ti mbirimbiri; me fade a yeke fâ menga ti azo ti tenengo mvene.

Amato 15:9

Be ti KOTA GBIA ake mingi lege ti sarango ye ti azo ti sioni; me lo ye azo so ayeke gi lege ti sara ye ti mbirimbiri.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 16:6

Zo so asara nzoni be na amba ti lo si azo alingbi ti zia be ti ala na ndö ti lo, a yeke zi sioni ti lo. Kpengo mbeto ti KOTA GBIA asara si zo akpe lege ti sioni ye.

Amato 3:7

Mo baa tere ti mo wani tongana zo ti ndara pepe, me mo kpe mbeto ti KOTA GBIA; mo zia lege ti sioni ye.

Amato 4:24

Mo zia atënë ti mvene asigigi na yanga ti mo pepe, mo tene asioni tënë na iri ti amba ti mo pepe.

Amato 6:12

Zo so ayeke diko atënë ti mvene na ndo kue, lo yeke mbumbuse zo; lo yeke zo ti sarango sioni.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

1 Tesalonike 5:22

ala kpe ye so kue ayeke ye ti sioni.

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.