Amato 8:12 - Mbeti ti Nzapa - Tënë so amu fini

¹² “Mbi Ndara, mbi na hingango ndo, e yeke duti na ndo oko. Mbi hinga ti sara ye na lege ti gbungo-li.

Amato 8:12 ပူးပေါင်းရင်းမြစ်များ

1 Agbia 7:14

Hiram ayeke molenge ti mbeni wali-mua so ayeke zo ti mara ti Neftali. Babâ ti Hiram ayeke zo ti Tir. Hiram ayeke zo ti sarango kua ti bengba wen, lo si singo na ndara, na hingango ndo nga na kode ti sarango kua na mara ti abengba wen nde nde. Nilaa gbia Salomon airi lo ti ga titene lo leke aye so kue lo ye.

1 Mbai 28:12

Lo mu nga na Salomon mbeti so afa kode ti ambeni ye so lo leke na be ti lo ti sarango ni: ya ti gbagba ti kota da ti *KOTA GBIA, ada so angoro tere ti ya ti gbagba ni, akubu so a yeke bata amosoro ti kota da ti Nzapa daa nga na akubu so a yeke bata aye so a zia ni nde ndali ti Nzapa daa.

1 Mbai 28:19

Tongaso David atene: “Aye so kue ayeke na ya ti mbeti so mbi wara na maboko ti KOTA GBIA; mbeti so afa akode oko oko ti sarango na aye ni.”

2 Mbai 13:14

Azo ti Juda abaa ndo na peko, ala baa so, fade ala yeke tiri bira na aturugu so ambeni ayeke na dawa ti ala si ambeni ayeke na peko ti ala. Azo ti Juda adekongo na KOTA GBIA si awayango-sandaga ahuru tatalita.

Abia (Psaumes) 104:24

KOTA GBIA, aye so mo sara ayeke mingi! Mo sara aye ni kue na lege ti ndara ti mo; sese asi singo na aye so mo sara.

Sigingo 35:30

Moïse atene na azo ti Israel, atene: “Ala baa, KOTA GBIA asoro Besalel, molenge ti Uri ti koli; Uri ayeke molenge ti Hur, zo ti mara ti Juda.

Amato 1:4

Amato ni ayeke sara titene zo so le ti lo ahan pepe, le ti lo ahan; ala yeke sara nga titene amaseka ahinga ndo si ala wara nzoni gbungo-li.

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Ésaïe 28:26

Nzapa ti lo laa afa na lo lege ti sarango ye ni, lo laa lo fa na lo ye ni.

Rome 11:33

Anzoni ye ti Nzapa ayeke kota biani! Ndara ti lo na hingango ye ti lo ayeke kota ahon ndoni! Zo wa laa alingbi ti hinga nda ti fango ngbanga ti lo? Zo wa laa alingbi ti hinga tënë ti be ti lo?

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 1:8

Nzapa amu na e anzoni ye mingi na lege ti nzoni be ti lo; lo mu na e ndara na hingango ndo kue.

Efeze 3:10

Me fadeso, lo fa ye ni na lege ti *Eglize titene ayingo so ayeke na nduzu si ayeke na komandema ahinga atënë ti ndara nde nde kue ti Nzapa.

Kolose 2:3

Nzapa ahonde amosoro kue ti ndara na ti hingango ndo na ya ti Christ.