Amato 7:17 - Mbeti ti Nzapa - Tënë so amu fini

¹⁷ Mbi tuku na ndö ti gbogbo ni yombo so a sara na mire, na aloes nga na kanele.

Amato 7:17 ပူးပေါင်းရင်းမြစ်များ

Abia (Psaumes) 45:8

Mo ye sarango ye ti mbirimbiri, mo ke sarango ye ti sioni. Ndani laa, Nzapa, Nzapa ti mo asoro mo na popo ti amba ti mo kue ti ga gbia si lo tuku mafuta ti matanga na li ti mo.

Abia (Psaumes) 45:9

Abongo ti mo ayeke fun gi yombo ti mire, ti aloes na ti kanele. Kâ na yangbo ti mo so a leke na pembe ti doli, azo ayeke pika mozoko ti zia ngia na be ti mo.

Sigingo 30:23

“Mo mu apendere yombo: kilo oku ti *mire ti ngu ni, kilo use na ndambo ti sinamome so afun nzoni, kilo use na ndambo ti kanele so afun nzoni

Amato 7:18

Ga e sara ngia ti kubu ngbii asi na ndaperere! Ayeke nzoni tere ti e anzere na lege ti bongbingo ti e.

B. ti abia 3:6

Zo wa laa alondo na benyama si lo yeke ga tongana ngbongboro guru so? Zo wa laa asara na tere ti lo yombo ti *mire, ti dukani nga na ayombo ti azo ti dengo buze ti kodro wande so?

Ezekiel 27:19

Ti londo na gbata ti Uzal, azo ti mara ti Dan na ti Yavan ayeke ga na wen so a pika tere ni pikango, kanele nga na sosongo so a yeke sara na yombo ti vo na akungba ti mo.

Jean 19:39

Nikodeme so ague lani na bi ti baa Jésus, lo na Joseph laa aga. Lo mu mbeni yombo so a bongbi *mire na aloes si asara na ni; lo ga na ni kilo baleota.