Amato 6:29 - Mbeti ti Nzapa - Tënë so amu fini

²⁹ Ye ni ayeke nga tongaso ndali ti zo so ague na peko ti wali ti mba ti lo; zo so andu wali so, peko ni ayeke ngba senge pepe.

Amato 6:29 ပူးပေါင်းရင်းမြစ်များ

Tongo nda ti aye 20:2

Abraham atene na azo, atene: “Sara ayeke ita ti mbi.” Abimelek, gbia ti gbata ti Gerar atokua azo, ala ga amu Sara ague na lo na lo.

2 Samuel 11:27

Me so lango ti sarango mua ni ahunzi awe, David atokua titene a ga na Batsheba si lo zia lo na da ti lo. Lo ga wali ti lo si lo du molenge-koli na lo. Me ye so David asara so anzere na KOTA GBIA pepe.

2 Samuel 16:21

Ahitofel akiri tënë na Absalom: “Ambeni wali so babâ ti mo azia ala ti bata yangbo so, ayeke nzoni mo gue, mo lango na ala. Tongaso si azo ti Israel ahinga atene, mo ga sioni na le ti babâ ti mo awe si be ti azo so amu peko ti mo so akpengba.”

Sigingo 20:17

“Alingbi mo sara nzara ti da ti mba ti mo pepe; mo sara nzara ti wali ti mba ti mo pepe, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo, ataa ye so kue lo yeke na ni.”

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 6:28

Zo alingbi ti tambula na ndö ti ale ti wâ si azö gere ti lo pepe?

Ezekiel 18:6

Lo yeke te akobe ti anzapa nde na li ti ahoto pepe, lo yeke yo le ti lo na mbage ti ayanda ti azo ti Israel pepe. Lo yeke lango na wali ti mba ti lo pepe; wali so ayeke baa ya ti lo, lo yeke duti na lo koli na wali pepe.

Ezekiel 22:11

Ala yeke sara ye ti potopoto na awali ti amba ti ala, ala yeke lango na awali ti amolenge ti ala; na ndo ti mo, ala yeke lango na a-ita ti ala ti wali, babâ oko.

Ezekiel 33:26

Ala yeke zia be ti ala na ndö ti aye ti bira ti ala, ala yeke sara sioni ye so zo alingbi ti baa na le ti lo fani use pepe; ala yeke lango na wali ti amba ti ala. Ala ye ti mu sese so ti ga ye ti ala tongana nyen?

Awayango-sandaga 18:20

“Alingbi mo lango pepe na wali ti mbeni mba ti mo so mo na lo ayeke na ya ti kodro oko. So fade ayeke sara si mo ga *sioni.

Awayango-sandaga 20:10

“Tongana mbeni koli agi wali ti mba ti lo, alingbi a fâ ala use kue, koli ni na wali ni.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

1 Korente 7:1

Fadeso mbi yeke kiri tënë na ndö ti atënë so ala hunda na mbi na ya ti mbeti so ala tokua so. Ayeke nzoni titene koli amu wali pepe.