Amato 6:25 - Mbeti ti Nzapa - Tënë so amu fini

²⁵ Mo sara nzara ti mara ti wali tongaso ndali ti pendere ti lo pepe; ayeke nzoni le ti lo so lo yeke sara ti handa na akoli so, agboto mo pepe.

Amato 6:25 ပူးပေါင်းရင်းမြစ်များ

2 Agbia 9:30

Yehu ali na gbata ti Yizreel awe. So Yezabel ama tënë ni, lo kpaka ambeni ye ti pendere na tere ti kua ti le ti lo, lo leke kua ti li ti lo pendere si na pekoni, lo luti na le ti fenetere.

Mbeti ti Job 31:1

Mbi na le ti mbi, e use kue, e deba titene mbi baa maseka-wali na nzara ni pepe.

B. ti abia 4:9

Mo sara si be ti mbi afâ, ndali ti mo ita ti mbi ti wali, mo so mo yeke ga wali ti mbi so. Mo sara si be ti mbi afâ, gi na lege so mo bi le ti mo ti baa mbi, gi na lege ti lenge oko ti go ti mo.

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Jérémie 4:30

Ti mo Jérusalem, azo abuba mo awe! Mo yeke yu bengba bongo ti ngangu ngere, mo yeke yu aye ti pendere ti lôro si mo yeke kpaka aye ti baba na ndö ti le ti mo ti sara na nyen? Mo yeke sara aye ti pendere so gi senge senge; akoli so ayeke kpe lani na peko ti mo so, ala ke mo awe, ala ye gi kuâ ti mo.

Ezekiel 23:40

Na ndö ni kue, ala tokua mbeni zo ti iri akoli so alango yongoro ti ga. Gi so akoli ni ama tokua ni, ala mu lege aga. Ndali ti akoli ni, ala sukula ngu, ala suru ye ti pendere na le ti ala, ala yu aye ti pendere.

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Ndia ti fani use ni 5:21

“Alingbi mo sara nzara ti wali ti mba ti mo pepe; mo sara nzara ti ye so mba ti mo ayeke na ni pepe, ataa yaka ti lo, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo.”