Amato 6:21 - Mbeti ti Nzapa - Tënë so amu fini

²¹ Bata atënë ni lakue na be ti mo; mo kanga ni na go ti mo tongana ye ti go.

Amato 6:21 ပူးပေါင်းရင်းမြစ်များ

Sigingo 13:16

Asandaga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Asandaga ni ayeke dabe ti ala na ngangu ti maboko ti KOTA GBIA, lo so lo zi ala na Ezipte lo sigigi na ala.”

Sigingo 13:9

Na lege ti ngangu ti maboko ti KOTA GBIA laa, lo zi ala na Ezipte, lo sigigi na ala. Fade matanga so ayeke ga ye ti dango be ti ala, legeoko tongana mbeni nzoroko na tere ti maboko ti ala nga na ndö ti le ti ala. Matanga ni ayeke dabe ti ala so, ala lingbi ti fa *Ndia ti KOTA GBIA na azo.

Amato 3:3

Ayeke nzoni mo zia ti sara nzoni be pepe, mo zia ti bata tënë ti yanga ti mo pepe; mo kanga ni na go ti mo tongana ye ti go, mo su ni na be ti mo tongana mbeti.

Amato 4:21

Mo girisa ni pepe; mo bata ni na ya ti be ti mo.

Amato 4:6

Mo zia ndara pepe, fade lo yeke bata mo. Mo ye ndara, fade lo yeke bata mo si sioni ye asi na mo pepe.

2 Korente 3:3

Biani, ye ni ayeke na hondengo ni pepe: ala yeke tongana mbeti so Christ asu ni si e gue na ni na azo. A su mbeti ni na ngu ti sungo na mbeti pepe, me a su ni na Yingo ti Nzapa, lo so lo yeke na fini; a su ni na ndö ti têne pepe, me na ndö ti be ti azo.

Ndia ti fani use ni 6:8

Titene be ti mo agirisa na ni pepe, fade mo yeke kanga ni na maboko ti mo nga na ndö ti le ti mo.