Amato 6:18 - Mbeti ti Nzapa - Tënë so amu fini

¹⁸ be so ayeke gi lege ti sara asioni ye, gere so ayeke kpe hio ti sara sioni;

Amato 6:18 ပူးပေါင်းရင်းမြစ်များ

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Abia (Psaumes) 36:4

Tënë ti yanga ti lo kue gi mvene, tënë ti yanga ti lo gi ti handango zo; lo girisa lege ti ndara awe, lo girisa lege ti sarango nzoni ye awe.

Amato 1:16

Biani, ala yeke mu loro ti gue ti sara sioni; ala yeke nduru nduru ti tuku mene.

Amato 15:26

Be ti KOTA GBIA ake mingi tënë ti sioni pialo; me atënë so zo atene na nzoni be, sioni ye oko ayeke daa pepe.

Amato 24:2

Biani, ala yeke gbu li ti ala gi ti buba ndo; ala yeke tene gi tënë ti asioni ye so ala ye ti sara.

Amato 24:8

Zo so ayeke gbu li ti lo lakue ti sara sioni ye, a yeke iri lo “zo ti mayere”.

Ésaïe 59:7

Ala yeke mu loro ti sara sioni, ala yeke kpe ti gue ti tuku mene ti zo so asara sioni pepe. Gbungo-li ti ala ayeke gi ti sara sioni; na ndö ti alege so kue ala yeke hon daa, gi sarango ngangu na zo nga na bubango ye.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Mishe 2:1

Mawa na azo so ayeke leke na be ti ala tënë ti sarango sioni ye; na bi, ala yeke leke tënë ti sarango sioni ye! Gi so ndo ahan awe, ala yeke sara ni, tongana ala wara lege ni.

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Rome 3:15

Gere ti ala ayapu ti gue ti tuku mene,