Amato 6:17 - Mbeti ti Nzapa - Tënë so amu fini

¹⁷ le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Amato 6:17 ပူးပေါင်းရင်းမြစ်များ

2 Agbia 21:16

Na ndö ni kue, Manase afâ gba ti azo so asara sioni oko pepe si mene ti azo ni amu ya ti gbata ti Jérusalem kue. Siokpari ti fango azo ni aga na ndö ti siokpari so lo sara ti pusu azo ti Juda ti sara ye so ayeke sioni na le ti KOTA GBIA.

2 Agbia 24:4

nga ndali ti azo so asara sioni pepe si Manase afâ ala senge senge; mene ti ala atuku si amu ya ti gbata ti Jérusalem kue. KOTA GBIA ake ti zi tënë ni na li ti lo.

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Abia (Psaumes) 101:5

Zo ti tenengo mvene na iri ti amba ti lo na hondengo ni, fade mbi yeke kanga yanga ti lo. Zo so abaa amba ti lo tongana mbumbuse ye si baba ahon ndö ti lo, mbi lingbi ti kanga be ti mbi na lo pepe.

Abia (Psaumes) 131:1

A yeke he bia so na ndembe ti guengo ni na Jérusalem. Bia ti David. *KOTA GBIA, mbi yeke zo ti baba pepe, mbi ye gi kota ndo pepe. Mbi yeke kpe na peko ti akota ye pepe, wala aye so ahon ngangu ti mbi pepe.

Abia (Psaumes) 18:27

Zo so ayeke na vuru be, mo yeke sara na lo na vuru be, me zo so ayeke na sioni be, mo yeke na kode ti sara sioni na lo.

Abia (Psaumes) 31:18

KOTA GBIA, tongana mbi iri mo, ayeke nzoni mo zia kamene na le ti mbi pepe. Me ayeke nzoni kamene agbu le ti asioni zo so. Ayeke nzoni yanga ti ala akanga si ala gue na ndo ti akuâ.

Abia (Psaumes) 5:6

Azo ti baba alingbi ti luti na le ti mo pepe; be ti mo ake azo ti sarango sioni kue.

Abia (Psaumes) 5:7

Mo yeke fâ azo ti tenengo mvene. KOTA GBIA, be ti mo ake azo ti fango zo na azo ti nzi.

Amato 1:11

Ala lingbi ti tene na mo: “Ga na peko ti e! E gue, e honde tere ti e titene e fâ azo so ayeke hon na lege. Azo so asara ye oko na e pepe so, e fâ ala senge senge!

Amato 1:16

Biani, ala yeke mu loro ti gue ti sara sioni; ala yeke nduru nduru ti tuku mene.

Amato 12:22

Be ti KOTA GBIA ake mingi azo ti mvene; me lo ye azo so ayeke sara ye na lege ti taa-tënë.

Amato 14:5

Zo so ayeke na tere ti mbeni tënë si mo lingbi ti zia be ti mo na ndö ti lo, lo yeke tene mvene pepe; me zo so ayeke tene mbeni tënë nde na so lo yeke fade na tere ni, lo yeke du gi mvene.

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 17:7

Pendere tënë alingbi na buba zo pepe; âdu ti kota zo, atënë ti mvene alingbi na lo oko pepe.

Amato 21:4

Le so abaa zo tongana mbumbuse ye nga na kate so asuku na baba, aye so afa polele na gigi siokpari ti zo.

Amato 26:28

Zo ti tenengo mvene na amba ti lo ayeke zia ka na be ti ala: lege ti kengo ala laa. Zo so ayeke tene anzerengo tënë ti handa na amba ti lo, lo sara si aye kue abuba.

Amato 28:17

Zo so ngbanga ti kuâ ti mbeni zo ayeke na li ti lo, lo yeke kpe ngbii ti li na da ti kanga; ayeke nzoni zo oko akanga lege na lo pepe.

Amato 30:13

“Ambeni zo ayeke daa so baba ahon ndö ti ala si ala yeke baa amba ti ala tongana ambumbuse ye.

Amato 6:16

Aye omene ayeke daa so KOTA GBIA ake ni; mbarambara ni ayeke nga daa so ayeke sioni mingi na le ti lo:

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Ésaïe 3:9

Ala yeke mu mbage ti ambeni zo, so laa ayeke bi tënë na li ti ala; ala yeke sara asiokpari gi polele tongana ti azo ti Sodome, ala yeke sara ni na hondengo ni pepe. So mawa na ala! Ala wani ayeke leke ye ti mawa ndali ti ala.

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Ndia ti fani use ni 19:10

Tongaso, zo so asara sioni ye pepe, fade a yeke tuku mene ti lo pepe na ya ti kodro so KOTA GBIA Nzapa ti ala amu ni titene aga ti ala. Tongaso pepe, fade ngbanga ti mene ti zo ni ayeke ga na li ti ala.

Ndia ti fani use ni 27:25

‘Deba aga na ndö ti zo so a pete goro na lo titene lo fâ mbeni zo so asara sioni oko pepe!’ Fade azo kue ayeke kiri tënë, atene: ‘Amen!’

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!