Amato 6:16 - Mbeti ti Nzapa - Tënë so amu fini

¹⁶ Aye omene ayeke daa so KOTA GBIA ake ni; mbarambara ni ayeke nga daa so ayeke sioni mingi na le ti lo:

Amato 6:16 ပူးပေါင်းရင်းမြစ်များ

2 Agbia 21:16

Na ndö ni kue, Manase afâ gba ti azo so asara sioni oko pepe si mene ti azo ni amu ya ti gbata ti Jérusalem kue. Siokpari ti fango azo ni aga na ndö ti siokpari so lo sara ti pusu azo ti Juda ti sara ye so ayeke sioni na le ti KOTA GBIA.

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Abia (Psaumes) 11:5

Be ti KOTA GBIA anzere na zo ti mbirimbiri; me be ti lo ake zo ti sioni nga na zo so kua ti lo ayeke ti sara ngangu na amba ti lo.

Abia (Psaumes) 5:7

Mo yeke fâ azo ti tenengo mvene. KOTA GBIA, be ti mo ake azo ti fango zo na azo ti nzi.

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 11:20

Be ti KOTA GBIA ake mingi azo so be ti ala asi singo na atënë ti mayere; me be ti lo anzere na azo so sarango ye ti ala ayeke na legeni.

Amato 12:22

Be ti KOTA GBIA ake mingi azo ti mvene; me lo ye azo so ayeke sara ye na lege ti taa-tënë.

Amato 17:15

Zo so amu mbeni zo so tënë ayeke na li ti lo tongana zo ti mbirimbiri, lo na zo so amu zo ti mbirimbiri tongana zo so tënë ayeke na li ti lo, ala use kue, be ti KOTA GBIA ake ala mingi.

Amato 20:10

Akilo na asembe ti hakango na ye so ayeke na legeni pepe, be ti KOTA GBIA ake ni mingi.

Amato 20:23

Kilo so ayeke na legeni pepe, be ti KOTA GBIA ake ni mingi; kilo so ayeke mbirimbiri pepe, ayeke nzoni pepe.

Amato 21:4

Le so abaa zo tongana mbumbuse ye nga na kate so asuku na baba, aye so afa polele na gigi siokpari ti zo.

Amato 3:32

Biani, be ti KOTA GBIA ake mingi azo so ake lege ti lo, me lo yeke fa atënë ti be ti lo na azo ti mbirimbiri.

Amato 30:18

Aye ota ayeke daa so mbi gi li ti mbi daa gbaa, osio ni ayeke nga daa so mbi de ti hinga nda ni pepe:

Amato 30:21

Aye ota ayeke daa so asara si sese ado, osio ni ayeke nga daa so zo ayeke kanga be ti lo daa gbaa:

Amato 30:24

Na ndö ti dunia so, mara ti anyama osio ayeke daa, ala yeke kete mingi, me ala yeke na ndara mingi; ayeke anyama tongana:

Amato 30:29

Aye ota so ayeke na fini ayeke daa, ala yeke tambula na baba, osio ni ayeke nga daa so ayeke pendere mingi; aye ni ayeke tongana:

Amato 6:15

Ndani laa, fade ye ti ngangu ayeke si na lo gi hio tongaso, a yeke buba dutingo ti lo gi hio tongaso, mbeni ye ti sara si lo kiri lo ga nzoni ayeke daa pepe.

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Amos 1:11

Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:3

Tënë so *KOTA GBIA atene ayeke so: “Mbi yeke na tënë na azo ti Damas ndali ti asioni ye ota, wala osio so ala sara: ala fâ ya ti azo ti Galaad na wen ti dengo ya ti sese. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:9

Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 2:1

Tënë so KOTA GBIA atene ayeke so: “Mbi yeke na tënë na azo ti Moab ndali ti asioni ye ota, wala osio so ala sara: ala gbi abio ti gbia ti azo ti Edom, ala gbi abio ni si aga fuku. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 2:4

Tënë so KOTA GBIA atene ayeke so: “Mbi yeke na tënë na azo ti Juda ndali ti asioni ye ota, wala osio so ala sara: ala baa ndia ti mbi KOTA GBIA tongana mbumbuse ye, ala ke ti sara ye alingbi na ambela ti mbi; ala mu peko ti anzapa ti mvene tongana ti so akotara ti ala asara ando. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 2:6

Tënë so KOTA GBIA atene ayeke so: “Mbi yeke na tënë na azo ti Israel ndali ti asioni ye ota, wala osio so ala sara: ala ka zo ti mbirimbiri ti wara na nginza, ala ka wayere ti wara na pâpä. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Ndia ti fani use ni 23:18

Moïse atene: Alingbi mbeni wali wala mbeni koli ti Israel asara ye ti ndumba ndali ti anzapa nde pepe.

Ndia ti fani use ni 24:4

Tongana ye tongaso asi, kozo koli so atumba lani wali ni so, lo lingbi ti kiri ti mu wali ni pepe, ngbanga ti so lo ga *sioni awe. Mara ti sarango ye tongaso ayeke sioni mingi na le ti *KOTA GBIA. Alingbi ala sara si siokpari aga pepe na ndö ti kodro so KOTA GBIA Nzapa ti ala amu na ala titene aga ti ala.

Ndia ti fani use ni 25:16

Biani, zo so kue ayeke sara ye tongaso, zo so kue ayeke sara ye ti kirikiri, lo yeke zo ti sioni mingi na le ti KOTA GBIA Nzapa ti ala.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.