Amato 6:12 - Mbeti ti Nzapa - Tënë so amu fini

¹² Zo so ayeke diko atënë ti mvene na ndo kue, lo yeke mbumbuse zo; lo yeke zo ti sarango sioni.

Amato 6:12 ပူးပေါင်းရင်းမြစ်များ

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Abia (Psaumes) 10:7

Atënë ti yanga ti lo asi singo na tënë ti dengo ba, tënë ti mvene nga na tënë ti sarango ngangu na zo. Atënë ti yanga ti lo ayeke sara pasi na sioni na zo.

Abia (Psaumes) 101:3

Fade mbi yeke zia le ti mbi angba na ndö ti ye ti sioni pepe. Be ti mbi ake sarango ye ti azo so ake mo, ngbanga ti mbi ayeke na sarango ye ti ala ni pepe.

Abia (Psaumes) 36:3

Lo baa tere ti lo kota ahon ti so lo yeke; nilaa lo ye ti hinga siokpari ti lo pepe si lo zia lege ni pepe.

Abia (Psaumes) 59:7

Na lakui, ala kiri aga, ala yeke dekongo tongana ambo; ala yeke tambula, ala ngoro gbata ni.

Amato 10:32

Zo ti mbirimbiri ayeke tene tënë na nzoni be; me azo ti sioni ayeke tene gi mvene.

Amato 11:6

Mbirimbiri ti azo ti mbirimbiri ayeke zi ala na ya ti kpale; me azo ti handango ndo ati na ya ti kuku ti aye so ala yeke sara nzara ni.

Amato 16:27

Mbumbuse zo aleke na be ti lo ti sara sioni ye; atënë ti yanga ti lo ayeke gbi zo tongana wâ.

Amato 16:30

Zo so akanga le ti lo si lo te poro ti yanga ti lo titene lo leke na be ti lo ti sara sioni, andaa lo sara ni awe.

Amato 17:4

Zo ti sarango sioni ayeke dingi mê ti lo ti ma gi asioni tënë; zo ti mvene ayeke zia mê ti lo kpoo ti ma gi atënë ti mvene.

Amato 2:12

Aye use so ayeke sara si mo kpe lege ti sioni sarango ye; ala yeke zi mo na maboko ti azo ti tenengo mvene;

Amato 3:32

Biani, be ti KOTA GBIA ake mingi azo so ake lege ti lo, me lo yeke fa atënë ti be ti lo na azo ti mbirimbiri.

Amato 4:24

Mo zia atënë ti mvene asigigi na yanga ti mo pepe, mo tene asioni tënë na iri ti amba ti mo pepe.

Amato 6:14

Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Jérémie 24:2

Afige so ayeke na ya ti kozo sakpa ni ayeke pendere ahon ndoni; ala yeke tongana akozo bengo fige. Afige ti ya ti use sakpa ni ayeke sioni ahon ndoni, akpa titene zo ate ni pepe.

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Awatokua 20:30

Na popo ti ala wani nga, fade ambeni ayeke londo ti tene mvene ti handa adisiple mingi ti mu peko ti ala.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.

Jacques 3:6

Menga ti zo ayeke tongana wâ si ayeke nga ndo so sioni aduti daa. Menga aduti na ya ti tere ti e si ayeke sara titene ngbongboro tere ti e kue aga sioni. Na ngoi so kue zo ayeke na dunia so, menga ti lo ayeke tongana wâ so ayeke buba fini ti lo; wâ ni alondo na ndo so wâ ayeke gbi daa lakue.

1 Samuel 17:28

Eliab, yaya ti David ama tënë so David ayeke tene na azo. Ngonzo agbu lo na tere ti David si lo tene na lo: “Mo ga ge ngbanga ti nyen? Mo zia akete nyama ti mo na benyama na zo wa? Mbi hinga mo kue; mo yeke zo ti karapiri si mo sara mbana ahon ndoni. Mo ga ge ti baa bira.”