Amato 6:11 - Mbeti ti Nzapa - Tënë so amu fini

¹¹ So mo ngba ti sara tongaso, yere ayeke ga na ndö ti mo tongana zo so ahara ti nzi ye; pasi ayeke ga na ndö ti mo tongana zo ti gbungo ye ti azo na ngangu.

Amato 6:11 ပူးပေါင်းရင်းမြစ်များ

Amato 10:4

Zo so maboko ti lo ane na kua, lo yeke ga wayere; me zo so maboko ti lo ayapu na kua, lo yeke ga zo ti mosoro.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 19:15

Sopo ayeke sara si zo ati na ya ti kota lango; zo so asara kua pepe, nzara ayeke fâ lo.

Amato 20:13

Tongana mo ye ti ga wayere, mo lango na ngoi kue! Me tongana mo ye ti te kobe, ya ti mo asi, mo zi le ti mo ngaan, mo baa ndo!

Amato 20:4

Na ngoi ti fango yaka, zo ti sopo aye ti fâ yaka pepe; na ngoi ti fango ale ti kobe, lo yeke gue ti gi kobe, me lo yeke wara ye oko pepe.

Amato 23:21

Biani, azo so ayeke nyon ye ahon ndoni, wala ala so ayeke te ye ahon ndoni, ala yeke ga awayere. Ndali ti so ala ye lango mingi, fade ala yeke yu gi agbagba bongo.

Amato 24:33

Mo ye ti lango kete si, le ti mo aye ti ne na lango kete si, mo ye ti kanga maboko ti mo kete si, mo ye ti lango na sese kete si.

Amato 24:34

So mo ngba ti sara tongaso, yere ayeke ga na ndö ti mo tongana zo so ayeke fono senge senge; pasi ayeke ga na ndö ti mo tongana zo ti gbungo ye ti azo na ngangu.

Zo ti bongbingo azo 4:5

Taa-tënë, zo ti buba so akanga maboko ti lo, lo yeke kui nzara.