Amato 5:3 - Mbeti ti Nzapa - Tënë so amu fini

³ Biani, wali ti mbeni zo nde, atënë ti yanga ti lo anzere tongana mafuta ti wotoro, atënë ti lo ni awoko zo ahon mafuta.

Amato 5:3 ပူးပေါင်းရင်းမြစ်များ

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Amato 2:16

Tongaso, mo yeke kpe lege ti wali so ayeke ti mo pepe, wali wande so ayeke tene anzerengo tënë.

Amato 22:14

Anzerengo tënë ti awali ti azo ayeke tongana kuku. Azo so be ti KOTA GBIA aso na ala, ala yeke ti na ya ni.

Amato 5:20

Molenge ti mbi, ngbanga ti nyen si nzara ti wali ti mbeni zo nde asara mo tongana ti so samba asara zo? Ngbanga ti nyen si mo gbu wali so ayeke ti mo pepe na kate ti mo?

Amato 6:24

Atënë ni ayeke gbanzi mo na tere ti asioni wali nga na tere ti anzerengo tënë ti wali so ayeke ti mo pepe.

Amato 7:21

Na lege ti atënë ti handa ti lo, lo sara si maseka-koli ni ayeda na lo. Ndali ti anzerengo tënë ti yanga ti lo, lo sara si maseka-koli ni ague na peko ti lo.

Amato 7:5

Fade atënë ni ayeke gbanzi mo na tere ti wali ti zo; ala yeke gbanzi mo na tere ti wali wande so ayeke handa mo na lege ti anzerengo tënë ti lo.

Zo ti bongbingo azo 7:26

Ye so mbi baa ayeke so: wali so ayeke tongana kuku ti gbu zo ayeke sioni mingi ahon kuâ. Be ti lo ayeke tongana gbanda. Maboko ti lo ayeke tongana kamba so ayeke gbu mo. Zo so asara ye so anzere na be ti Nzapa ayeke kpe na maboko ti wali ni. Me zo ti siokpari ayeke ti na ya ti maboko ti lo.

B. ti abia 4:11

Mo so mo yeke ga wali ti mbi so, tongana mbi su yanga ti mo, mo baa mo tene mafuta ti wotoro ayeke daa, mafuta ti wotoro na ngu ti me ayeke na gbe ti menga ti mo. Fungo ti abongo ti mo ayeke nzoni tongana fungo ti gbako ti Liban.