Amato 5:22 - Mbeti ti Nzapa - Tënë so amu fini

²² Sarango ye ti kirikiri ti zo wani laa akanga lo; siokpari ti lo agbu lo tongana kuku.

Amato 5:22 ပူးပေါင်းရင်းမြစ်များ

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

Esther 9:25

Me so Esther ague, abaa gbia, gbia amu yanga titene a su mbeni mbeti ti sara titene sioni so Haman aye ti sara na azuife so akiri gi na ndö ti lo wani; a mu Haman a kanga go ti lo na tere ti keke na nduzu, lo na amolenge ti lo baleoko.

Mbeti ti Job 18:8

Biani, gere ti lo ayeke li na ya ti gbanda si gbanda ni ayeke kanga gere ti lo.

Abia (Psaumes) 40:12

Ti mo, KOTA GBIA, mo ke ti baa mawa ti mbi pepe; fade nzoni be ti mo na taa-tënë ti mo ayeke bata mbi lakue.

Abia (Psaumes) 9:15

Tongaso, fade mbi yeke ngba ti gonda mo, mbi yeke gonda mo na ndo so azo ti Sion ayeke bongbi tere daa; mbi yeke ngba ti dodo na ngia ndali ti so mo soo mbi awe.

Abia (Psaumes) 9:17

KOTA GBIA asara si azo ahinga lo, lo fâ ngbanga awe: lo gbu zo ti sioni na ya ti kuku ti zo ni wani. Kete mozoko. Luti kete

Amato 1:18

Me ti azo ti fango azo ni, ala bi gbanda ndali ti ala wani, ala honde tere ti ala ti sara sioni na ala wani.

Amato 11:3

Sarango ye na legeni ayeke fa lege na azo ti mbirimbiri; me sarango ye ti kirikiri ayeke buba fini ti azo ti handango ndo.

Amato 11:5

Mbirimbiri ti zo so sarango ye ti lo ayeke na legeni ayeke sara si fini ti lo aduti mbirimbiri; me sarango sioni ti zo ti sioni asara si lo ti.

Amato 11:6

Mbirimbiri ti azo ti mbirimbiri ayeke zi ala na ya ti kpale; me azo ti handango ndo ati na ya ti kuku ti aye so ala yeke sara nzara ni.

Amato 12:14

Atënë so zo atene alingbi ti sara si lo baa nzoni na pekoni legeoko tongana ti so zo ayeke wara futa na peko ti kua so lo sara.

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Amato 18:7

Tënë ti zo ti buba ayeke buba fini ti lo wani; atënë ti yanga ti lo aga kuku ndali ti lo wani.

Amato 24:12

Mo lingbi ti tene: “Mbi hinga fade pepe!” Me lo so abaa atënë ti be ti zo, lo yeke hinga ni senge. Lo yeke baa mo, lo hinga ye kue; fade lo yeke futa zo oko oko alingbi na ye so lo sara!

Amato 26:27

Zo so azi du, fade lo yeke ti daa; zo so arule têne, fade têne ni akiri ti ti na ndö ti lo.

Zo ti bongbingo azo 7:26

Ye so mbi baa ayeke so: wali so ayeke tongana kuku ti gbu zo ayeke sioni mingi ahon kuâ. Be ti lo ayeke tongana gbanda. Maboko ti lo ayeke tongana kamba so ayeke gbu mo. Zo so asara ye so anzere na be ti Nzapa ayeke kpe na maboko ti wali ni. Me zo ti siokpari ayeke ti na ya ti maboko ti lo.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Abia ti demango tere 1:14

Le ti KOTA GBIA abaa asioni so mbi sara; lo kanga asioni ti mbi na ndö ti mbi tongana *zuge so lo zia na ndö ti mbi; asioni ti mbi ni akono agbu mbi na go. Kota Gbia awoko ngangu ti mbi kue awe. Lo zia mbi na maboko ti awato ti mbi; mbi lingbi ti gbu le ni na ala pepe.

Abdias 1:15

Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Wungo ti azo 32:23

Me tongana ala sara tongaso pepe, andaa ala sara siokpari ti ke KOTA GBIA; ala yeke wara ye ti peko ti siokpari ti ala ni.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Awafango-ngbanga 20:41

Azo ti Israel akiri na tere ti azo ti Benjamin. Mbeto agbu azo ti Benjamin mingi, ngbanga ti so ala baa kpale so ayeke ti na ndö ti ala.

Awafango-ngbanga 9:57

Nzapa asara nga si sioni so azo ti Sishem asara, sioni ni akiri gi na li ti ala wani. Nilaa dengo ba so Yotam, molenge ti Yerubaal, ade na li ti ala, dengo ba ni aga taa-tënë biani.