Amato 5:20 - Mbeti ti Nzapa - Tënë so amu fini

²⁰ Molenge ti mbi, ngbanga ti nyen si nzara ti wali ti mbeni zo nde asara mo tongana ti so samba asara zo? Ngbanga ti nyen si mo gbu wali so ayeke ti mo pepe na kate ti mo?

Amato 5:20 ပူးပေါင်းရင်းမြစ်များ

1 Agbia 11:1

Gbia Salomon aye awali mingi so ayeke ti mara nde. Kozoni, lo mu molenge ti Faraon ti wali; na pekoni lo mu ambeni wali ti mara ti Moab, ti Amon, ti Edom, ti Sidon na ti Het.

Amato 22:14

Anzerengo tënë ti awali ti azo ayeke tongana kuku. Azo so be ti KOTA GBIA aso na ala, ala yeke ti na ya ni.

Amato 23:33

Mo yeke baa aye kirikiri na le ti mo; aye kirikiri ayeke ga na li ti mo si mo yeke tene atënë kirikiri.

Amato 5:3

Biani, wali ti mbeni zo nde, atënë ti yanga ti lo anzere tongana mafuta ti wotoro, atënë ti lo ni awoko zo ahon mafuta.

Amato 6:24

Atënë ni ayeke gbanzi mo na tere ti asioni wali nga na tere ti anzerengo tënë ti wali so ayeke ti mo pepe.

Amato 7:5

Fade atënë ni ayeke gbanzi mo na tere ti wali ti zo; ala yeke gbanzi mo na tere ti wali wande so ayeke handa mo na lege ti anzerengo tënë ti lo.

Malashii 2:14

Ala hunda ndo, atene: “Ye tongaso asi ngbanga ti nyen?” – Asi ngbanga ti ye tongaso: Na dawa ti KOTA GBIA laa zo oko oko amu tere na wali ti lo ti maseka; wali ni ayeke mba ti lo, lo na wali ni aga oko na lege ti *mbuki so ayeke na popo ti ala. Me zo ni abuba lege ti mbuki ni na wali ni awe!

Malashii 2:16

Tënë so KOTA GBIA, Nzapa ti Israel, atene laa: “Tumbango wali ayeke ye so mbi ke tongana ti so mbi ke zo so ayeke sara ngangu na mba ti lo. Tënë so KOTA GBIA so ayeke na ndö ti dunia kue atene laa. Ala sara hange! Ala bata fini ti ala. Ala buba lege ti mbuki ti ala pepe!”