Amato 4:8 - Mbeti ti Nzapa - Tënë so amu fini

⁸ Gbu ndara na tere ti mo, fade lo yeke sara si mo ga kota; gbu ndara na kate ti mo, lo yeke sara si mo wara gonda.

Amato 4:8 ပူးပေါင်းရင်းမြစ်များ

Amato 22:4

Zo so asara tere ti lo kete, andaa lo kpe mbeto ti KOTA GBIA; ye so lo yeke wara na pekoni ayeke mosoro, azo ayeke ne lo si gigi ti lo ague, ayo.

Amato 3:16

Na mbage, ndara ayeke mu na zo fini so ayo; na mbeni mbage, lo yeke mu nga na lo mosoro na gonda.

Amato 3:35

Ye so ayeke ga ti azo ti ndara ayeke gonda; me ti azo ti buba, kamene ayeke gbu le ti ala.

B. ti abia 2:6

Maboko ti lo ti wali ayeke lango na gbe ti li ti mbi si maboko ti lo ti koli agbu mbi na tere ti lo.

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.