Amato 4:7 - Mbeti ti Nzapa - Tënë so amu fini

⁷ Tongo nda ti ndara ayeke so: mo sara kue ti wara ndara. Ye so kue mo wara, mo mu ni ti wara na hingango nda ti aye.

Amato 4:7 ပူးပေါင်းရင်းမြစ်များ

2 Mbai 1:10

Ti fadeso, mu na mbi ndara na hingango ndo titene mbi hinga ti fa lege nzoni na azo so. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

Abia (Psaumes) 119:104

Ndali ti andia ti mo, mbi ga zo ti hingango nda ti aye, tongaso si mbi ke alege kue ti mvene.

Amato 16:16

Titene zo awara ndara, so laa ayeke nzoni ahon titene lo wara lôro ti nzoni ni. Titene zo awara hingango ndo, so laa ayeke nzoni ahon titene lo wara wen ti nginza.

Amato 2:4

Gi ndara tongana ti so zo ayeke gi nginza; gi ni ngangu tongana ti so zo ayeke gi mbeni mosoro so ahonde.

Amato 21:6

Azo so aye ti wara mosoro na lege ti tenengo mvene ayeke gi kuâ; ye so ala wara ayeke tongana guru so pupu amu ahon na ni.

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Amato 4:5

Sara kue ti wara ndara na hingango nda ti ye. Be ti mo agirisa na atënë ti yanga ti mbi pepe; mo hon nde na atënë ni pepe.

Amato 8:23

Lo sara mbi ngbene ye kâ na tongo nda ti aye, kozoni si dunia abaa gigi.

Zo ti bongbingo azo 4:8

mbeni zo ayeke daa so lo yeke gi lo oko, mbeni zo ayeke na tere ti lo pepe; lo yeke na molenge pepe, wala na ita pepe. Lo yeke sara kua, lo wu tere pepe; me nzara ti warango mosoro mingi angba na be ti lo. Lo hunda tere ti lo, lo tene: “Akua so kue mbi sara, mbi yeke sara ni ndali ti zo wa?” Mbi gbanzi tere ti mbi ti sara ngia, mbi yeke sara ni ndali ti zo wa? Ye so nga ayeke gi senge senge; so ayeke sioni ye.

Zo ti bongbingo azo 7:12

Ndara ayeke bata zo tongana ti so nginza ayeke bata zo. Ndara asara si gigi ti zo ague, ayo, nilaa ayeke nzoni, zo aduti na ndara.

Nzoni Tënë so Luc asu na mbeti 10:42

Taa nzoni ye ayeke gi oko. Marie laa asoro ti lo taa nzoni ye ni: fade mbeni zo ti zi ni na maboko ti lo ayeke daa pepe.”

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ