Amato 4:26 - Mbeti ti Nzapa - Tënë so amu fini

²⁶ Mo gbu li ti mo mbirimbiri kozo si mo mu mbeni lege; ayeke nzoni mo mu lege so mbeni sioni ye oko alingbi ti si na mo daa pepe.

Amato 4:26 ပူးပေါင်းရင်းမြစ်များ

Abia (Psaumes) 119:5

Ayeke nzoni tambula ti mbi ague mbirimbiri titene mbi sara ye alingbi na ambela ti mo.

Abia (Psaumes) 119:59

Mbi gbu li ti mbi na ndö ti tambula ti mbi si mbi kiri na ndö ti ye so mo hunda na mbi.

Abia (Psaumes) 37:23

Tongana sarango ye ti zo anzere na be ti KOTA GBIA, lo yeke fa lege so zo ni alingbi ti tambula daa.

Abia (Psaumes) 40:2

Mbi ku *KOTA GBIA na be ti mbi kue, lo ba tere ti lo na mbage ti mbi, lo ma toto ti mbi.

Amato 15:21

Zo so li ti lo ayeke daa pepe awara ngia na lege ti aye ti buba; me zo so ahinga ndo amu lege so ayeke mbirimbiri.

Amato 21:29

Zo ti sioni asara tere ti lo tongana zo so alingbi awe; me zo ti mbirimbiri ayeke sara si mbeni ye ayeke yingi dutingo ti lo pepe.

Amato 23:19

Ti mo, molenge ti mbi, mo ma mbi si mo ga zo ti ndara, tongaso si fade mo yeke mu lege so ayeke mbirimbiri.

Amato 4:25

Ayeke nzoni mo baa gi ya ti le ti zo; mo baa ndo mbirimbiri gi na dawa ti mo.

Amato 5:21

KOTA GBIA abaa lege ti dutingo ti azo oko oko kue. Lo baa sarango ye kue ti ala mbirimbiri.

Amato 5:6

Lege so ayeke gue na zo na fini, lo mu ti lo ni pepe; lo girisa lege awe, me lo hinga pepe.

Ezekiel 18:28

Tongana li ti lo aga daa, lo baa aye ti sioni ti lo tongana sioni ye si lo zia lege ni, biani, lo yeke ngba na fini, lo yeke kui pepe.

Aggée 1:5

Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Aggée 1:7

Tënë so KOTA GBIA so ayeke na ndö ti dunia kue atene ayeke so: Ala gbu li ti ala nzoni na ndö ti aye so ayeke si na ala.”

Efeze 5:15

Ala sara hange na lege ti dutingo ti ala. Ala duti tongana abuba zo pepe, me tongana azo ti ndara.

Efeze 5:17

Ndani laa, ala duti tongana abuba zo pepe, me ala gi lege ti hinga ye so Kota Gbia aye.

1 Tesalonike 3:13

Ayeke nzoni lo mu ngangu na be ti ala, tongaso si, na lango so Kota Gbia ti e Jésus ayeke kiri ti ga na azo ti lo kue, fade ala duti azo so tënë ayeke na li ti ala pepe, azo so ayeke nde si ayeke nzoni kue na le ti Nzapa, Babâ ti e. [Amen.]

2 Tesalonike 3:3

Me Kota Gbia ayeke sara ye alingbi na tënë ti yanga ti lo: fade lo yeke sara titene ala kpengba, lo yeke bata ala si Sioni wato asara sioni na ala pepe.

Ahebro 12:13

Ala suru lege so ayeke mbirimbiri titene ala hon daa, tongaso si zo so gere ti lo abuba, abuba biani pepe, me tere ti lo aga nzoni.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.