Amato 4:23 - Mbeti ti Nzapa - Tënë so amu fini

²³ Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Amato 4:23 ပူးပေါင်းရင်းမြစ်များ

2 Agbia 10:31

Me Yehu amu be ti lo kue pepe ti sara ye alingbi na tënë ti *ndia ti KOTA GBIA, Nzapa ti Israel. Siokpari so Yeroboam, molenge ti Nebat apusu lani azo ti Israel si ala sara so, Yehu azia lege ni pepe.

Amato 11:16

Wali so ayeke na nzoni be, azo ayeke gonda lo. Koli so ayeke na ngangu, lo yeke wara mosoro.

Amato 13:3

Zo so ayeke bata yanga ti lo, lo yeke bata fini ti lo wani; me zo so ayeke diko atënë gbani gbani, lo yeke buba fini ti lo.

Amato 16:17

Azo so sarango ye ti ala ayeke na legeni, ala yeke kpe lege ti sioni ye; zo so aye ti bata fini ti lo, lo yeke sara hange na lege ti dutingo ti lo.

Amato 22:5

Aki na akuku ayeke na lege ti zo ti sarango ye ti kirikiri; zo so aye ti bata fini ti lo, ayeke nzoni lo kpe lege ti aye ni.

Amato 23:19

Ti mo, molenge ti mbi, mo ma mbi si mo ga zo ti ndara, tongaso si fade mo yeke mu lege so ayeke mbirimbiri.

Amato 28:26

Zo so ayeke zia be ti lo na ndö ti gbungo-li ti lo wani, lo yeke zo ti buba; me zo so ayeke sara ye na lege ti ndara, fade lo yeke sigigi na ya ti kuâ.

Amato 3:21

Molenge ti mbi, ayeke nzoni hango le na nzoni gbungo-li aga aye ti tere ti mo; alingbi mo zia ni laoko pepe.

Amato 4:7

Tongo nda ti ndara ayeke so: mo sara kue ti wara ndara. Ye so kue mo wara, mo mu ni ti wara na hingango nda ti aye.

Zo ti bongbingo azo 5:13

Lo buba mosoro ni na lege ti sioni dengo buze. Tongana lo du molenge-koli, mbeni ye oko ayeke ngba na maboko ti lo pepe.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Matthieu 15:18

Me ye so asigigi na yanga ti zo, alondo na be ti lo. So laa asara titene zo ni aga *sioni.

Matthieu 15:19

Biani, aye tongana asioni tënë ti be ti zo, fango zo, gingo wali wala koli ti zo, sarango aye ti ndumba, nzi, tenengo mvene na le ti ngbanga na zongango ndo, alondo kue na be ti zo si asigigi.

Marc 14:38

Ala lango pepe! Ala sambela si ala ti na ya ti ye ti tarango be pepe. Yingo ti zo ayeke na nzara ti sarango nzoni ye, me zo ni ayeke na ngangu pepe.”

Nzoni Tënë so Luc asu na mbeti 6:45

Nzoni zo ayeke sigigi na anzoni ye so ayeke na be ti lo; me sioni zo ayeke sigigi na asioni ye so ayeke na be ti lo. Biani, ye so asi be ti zo laa ayeke sigigi na lege ti tënë ti yanga ti lo.”

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.