Amato 4:18 - Mbeti ti Nzapa - Tënë so amu fini

¹⁸ Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Amato 4:18 ပူးပေါင်းရင်းမြစ်များ

2 Samuel 23:4

lo yeke tongana lumiere ti ndaperere na le ti nduzu so mbinda ayeke daa pepe; lo yeke tongana lâ so ayeke sara titene pere asigigi na peko ti so ngu-Nzapa apika.”

Mbeti ti Job 11:17

Fade fini ti mo ayeke za ahon sungo ti lâ ti bekombite; vukongo ndo ayeke sanze ti ga tongana lumiere ti ndaperere.

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Mbeti ti Job 23:10

Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Abia (Psaumes) 97:11

Fade lumiere ayeke za na ndö ti zo ti mbirimbiri si azo ti vurungo be ayeke wara ngia.

Amato 13:9

Zo ti mbirimbiri ayeke tongana lumiere so aza si azo awara ngia; zo ti sioni ayeke tongana lamba so aga nduru ti mingo.

Amato 15:24

Zo ti ndara ayeke mu lege so ague na nduzu ti duti na fini; lo yeke kpe lege so azu na gbeni, na ndo ti akuâ.

Amato 2:20

Tongaso, ayeke nzoni mo mu lege ti dutingo ti azo ti nzoni; mo sara ye tongana ti azo ti mbirimbiri.

Amato 2:9

Molenge ti mbi, tongana mo ma mbi, fade mo yeke hinga, mo tene, sarango ye ti mbirimbiri, sarango ye na lege ti ndia na sarango ye na legeni ayeke sara si zo abaa nzoni daa.

Ésaïe 26:7

*KOTA GBIA, zo ti mbirimbiri, lege ti lo ayeke mbirimbiri; mo yeke sara si lege ti zo ti mbirimbiri aba pepe.

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Matthieu 5:14

“Ala laa ayeke lumiere ti dunia so. Gbata so a sara ni na li ti hoto alingbi ti honde tere ti lo pepe.

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Matthieu 5:45

Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

2 Korente 3:18

E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.

Awafango-ngbanga 5:31

KOTA GBIA, ayeke nzoni awato ti mo kue akui tongana ti so Sisra akui. Ayeke nzoni ala so aye mo aga tongana lâ so ato nda ti su na ngangu!” Tongaso siriri akiri na ya ti kodro ni na ya ti ngu baleosio.