Amato 4:16 - Mbeti ti Nzapa - Tënë so amu fini

¹⁶ Biani, azo ni ayeke lango pepe ngbii ala sara sioni si. Lango ayeke gbu le ti ala pepe ngbii ala kinda mbeni zo si.

Amato 4:16 ပူးပေါင်းရင်းမြစ်များ

Abia (Psaumes) 36:3

Lo baa tere ti lo kota ahon ti so lo yeke; nilaa lo ye ti hinga siokpari ti lo pepe si lo zia lege ni pepe.

Abia (Psaumes) 36:4

Tënë ti yanga ti lo kue gi mvene, tënë ti yanga ti lo gi ti handango zo; lo girisa lege ti ndara awe, lo girisa lege ti sarango nzoni ye awe.

Amato 1:16

Biani, ala yeke mu loro ti gue ti sara sioni; ala yeke nduru nduru ti tuku mene.

Amato 2:14

Be ti azo ni ayeke na ngia na sarango sioni; tere ti ala anzere na asioni sarango ye ti kirikiri.

Amato 4:15

Mo zia lege ti ala ni, mo hon daa pepe! Mo kpe lege ti ala ni, mo hon ti mo hongo!

Ésaïe 57:20

Me azo ti sioni ayeke tongana kota ngu-ingo so ayeke yingi, so alingbi ti duti kpoo pepe; *amapo ni ayeke mu potopoto nga na sarate asigigi na ni.

Jérémie 9:4

Ala oko oko kue ayeke handa amba ti ala; zo oko ayeke tene taa-tënë pepe. Ala leke menga ti ala ti tene gi atënë ti mvene. Ala sara sioni ngbii awoko ala.

Mishe 2:1

Mawa na azo so ayeke leke na be ti ala tënë ti sarango sioni ye; na bi, ala yeke leke tënë ti sarango sioni ye! Gi so ndo ahan awe, ala yeke sara ni, tongana ala wara lege ni.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Nzoni Tënë so Luc asu na mbeti 22:66

So ndo ahan awe, *akangba ti azuife na akota wayango-sandaga na awafango-ndia abongbi tere ti ala. Ala mu Jésus ague na lo na gbe ti azo ti *Kota Bongbi ti Fango Ngbanga ti ala.

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.

Awatokua 24:7

me Lisias, kota komanda ti aturugu aga si lo gboto lo na maboko ti e na ngangu.

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!