Amato 4:13 - Mbeti ti Nzapa - Tënë so amu fini

¹³ Wango so a mu na mo, mo bata ni ngangu, mo zia lege ni pepe. Mo bata ni, ngbanga ti so fini ti mo laa!

Amato 4:13 ပူးပေါင်းရင်းမြစ်များ

Tongo nda ti aye 32:26

So zo ni abaa so lo lingbi ti hon ndö ti Jacob pepe na ngoi so ala ngba ti tiri, lo pika Jacob na mbage so bio ti ngbonda ti lo na bio ti gere ti lo atengbi tere daa si abio ni azi.

Amato 10:17

Zo so ama wango, lo yeke mu lege ti fini; me zo so ake titene a gboto mê ti lo, lo girisa lege.

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Amato 3:18

Ndara ayeke tongana keke so ayeke mu fini na azo so asara ye alingbi na ni. Lo yeke zia ngia na be ti azo so awara ni.

Amato 3:22

Fade ala yeke sara si mo duti na taa fini nga na fini so anzere.

Amato 6:23

Biani, andia ayeke tongana lamba, fango ye ayeke tongana lumiere. Tongana zo agboto mê ti mo ti mu na mo wango, andaa lo ye ti zia mo na lege ti fini.

Amato 8:35

Biani, zo so awara mbi, awara fini awe; be ti KOTA GBIA ayeke nzere na lo.

Zo ti bongbingo azo 7:12

Ndara ayeke bata zo tongana ti so nginza ayeke bata zo. Ndara asara si gigi ti zo ague, ayo, nilaa ayeke nzoni, zo aduti na ndara.

B. ti abia 3:4

Mbi hon gi kete si mbi wara lo so be ti mbi aye lo so. Mbi gbu lo, maboko ti mbi angba na tere ti lo, mbi gue na lo ngbii na ya ti da ti mama ti mbi, na ya ti kubu so mama ti mbi amu ngo ti mbi daa.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Jean 6:68

Simon Pierre akiri tënë na lo: “*Kota Gbia, e yeke gue ti e ande na zo wa? Atënë so ayeke mu na zo fini so angba lakue lakue, ayeke gi na yanga ti mo oko.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 2:42

Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa.

Ndia ti fani use ni 32:47

Biani, so ayeke gi asenge tënë pepe. Atënë ni ayeke ndali ti fini ti ala; na lege ti atënë so laa fade gigi ti ala ayeke gue, ayo na sese so ala yeke fâ ngu ti Jourdain ti mu ni titene aga ti ala.”

1 Tesalonike 5:21

Me ala gi ya ti atënë ni kue mbirimbiri si ye so ayeke nzoni, ala bata ni;

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.