Amato 4:12 - Mbeti ti Nzapa - Tënë so amu fini

¹² Tongaso, mo yeke tambula, mbeni ye ti kanga lege na mo ayeke daa pepe; mo kpe loro, mo yeke ti pepe.

Amato 4:12 ပူးပေါင်းရင်းမြစ်များ

2 Samuel 22:37

Mo sara si mbi kpe loro hio hio, gere ti mbi ayeke *zene pepe.

Abia (Psaumes) 119:165

Azo so aye ndia ti mo, ala yeke na taa siriri, mbeni ye ti kinda ala ayeke daa pepe.

Abia (Psaumes) 119:45

Mbeni ye ti kangango lege na mbi ayeke daa pepe, ngbanga ti so mbi yeke gi andia ti mo.

Abia (Psaumes) 18:36

Ndali ti vala ti mo, mbi wara lege ti so benda; maboko ti mo ti koli agbu mbi, nzoni be ti mo asara si mbi ga kota zo.

Amato 2:9

Molenge ti mbi, tongana mo ma mbi, fade mo yeke hinga, mo tene, sarango ye ti mbirimbiri, sarango ye na lege ti ndia na sarango ye na legeni ayeke sara si zo abaa nzoni daa.

Amato 3:23

Tongaso, mo yeke tambula, mbeni ye ti sara mo ayeke daa pepe; mbeni ye ti gbu gere ti mo titene mo ti ayeke daa pepe.

Amato 4:19

Me lege ti dutingo ti azo ti sioni ayeke tongana bi so avuko pitipiti. Ye so ala pika gere ti ala daa ti ti, ala baa ni pepe.

Amato 6:22

Fade atënë ni ayeke fa lege na mo tongana mo yeke tambula na lege; ala yeke bata mo tongana mo yeke lango; tongana mo zingo na lango, ala yeke mu na mo wango.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.