Amato 4:10 - Mbeti ti Nzapa - Tënë so amu fini

¹⁰ Molenge ti mbi, ma mbi! Mo sara ye alingbi na atënë ti mbi si fade gigi ti mo ague, ayo.

Amato 4:10 ပူးပေါင်းရင်းမြစ်များ

Mbeti ti Job 22:22

Ye so Nzapa wani afa na mo, yeda na ni; bata tënë ti lo na be ti mo.

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Amato 2:1

Molenge ti mbi, yeda na atënë ti mbi; bata andia ti mbi nzoni tongana ti so zo ayeke bata ye ti ngangu ngere.

Amato 3:16

Na mbage, ndara ayeke mu na zo fini so ayo; na mbeni mbage, lo yeke mu nga na lo mosoro na gonda.

Amato 3:2

Tongaso, fade gigi ti mo ague, ayo, mo yeke duti na fini aninga si mo yeke duti na siriri.

Amato 8:10

Ala soro wango ti mbi, me nginza pepe; ayeke nzoni ala ye hingango ye ahon lôro ti nzoni ni.

Jérémie 9:20

“Biani, kuâ asi na tere ti fenetere ti e awe; lo li na ya ti apendere da ti e awe. Lo fâ amolenge na ndö ti alege; lo fâ amaseka na ndö ti abalabala.”

Ndia ti fani use ni 11:21

Tongana ala sara ye alingbi na ni, fade ala na *ahale ti ala ayeke duti na fini na ya ti kodro so KOTA GBIA adeba yanga ti lo lani ti mu na akotara ti ala. Na ngoi so kue yayu ayeke ngba na nduzu na ndö ti sese, ala yeke duti na fini na ya ti kodro ni.

Ndia ti fani use ni 5:16

“Alingbi mo ne babâ na mama ti mo, tongana ti so mbi KOTA GBIA, mbi mu yanga na mo. Tongaso si gigi ti mo ague, ayo si mo yeke duti nzoni na sese so mbi KOTA GBIA Nzapa ti mo, mbi mu na mo.

Ndia ti fani use ni 6:2

Tongaso, fade ala yeke kpe mbeto ti KOTA GBIA Nzapa ti ala na lango ti fini ti ala kue, ala yeke sara ye alingbi na aye so kue ndia ti lo afa nga na atënë ti ndia ti lo so kue mbi fa na ala, na *ahale ti ala, tongaso si gigi ti ala ague, ayo.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

1 Timothée 1:15

Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,