Amato 31:9 - Mbeti ti Nzapa - Tënë so amu fini

⁹ Mo tene tënë, mo fâ ngbanga ti azo na legeni! Gbu koko ti awayere na ti azo ti mawa!”

Amato 31:9 ပူးပေါင်းရင်းမြစ်များ

2 Samuel 8:15

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

Mbeti ti Job 29:12

Biani, wayere so adekongo, mbi yeke soo lo; nyindu so zo ti mungo maboko na lo ayeke daa pepe, mbi yeke mu maboko na lo.

Abia (Psaumes) 82:3

Zo so ngangu atia lo nga na nyindu, ala fâ ngbanga ti ala na legeni! Zo ti mawa na zo so ye atia lo, ala fâ ngbanga ti ala mbirimbiri!

Amato 16:12

Be ti agbia ake mingi tënë ti sarango ye ti sioni, ngbanga ti so sarango ye ti mbirimbiri laa ayeke sara si mbata ti ala aluti mbirimbiri.

Amato 20:8

Tongana gbia aduti ti fâ ngbanga si mbeni ye ti sioni ayeke daa, fafade le ti lo ayeke ti na ndö ni.

Amato 29:7

Zo ti mbirimbiri ayeke gbu koko ti awayere; me zo ti sioni ayeke na li pepe ti hinga tënë ni.

Ésaïe 1:17

Ala manda ti sara nzoni ye; ala gi lege ti fâ ngbanga ti mbirimbiri. Ala kanga lege na zo so asara ngangu na azo; ala fâ ngbanga ti nyindu na legeni; ala gbu koko ti wali-mua.”

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 11:4

Me azo so ye atia ala, lo yeke fâ ngbanga ti ala mbirimbiri; awayere so ayeke na ya ti kodro, lo yeke leke tënë ti ala na legeni. Tënë ti yanga ti lo ayeke pika kodro ni tongana keke so ayeke pika ye, pupu ti yanga ti lo ayeke fâ azo ti sioni.

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 5:28

Ala kono mingi si tere ti ala ayeke za zango. Ala hon azo kue na sarango sioni. Ala yeke fâ ngbanga na legeni pepe; ala yeke baa tënë ti nyindu na legeni pepe; tongaso pepe, ka nyindu ni abaa nzoni. Ala yeke baa tënë ti awayere na legeni pepe.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Zakarii 7:9

Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Jean 7:24

Ala fâ ngbanga gi ndali ti le ti zo pepe, me ala fâ ngbanga so ayeke na legeni.”

Ndia ti fani use ni 1:16

Na ngoi ni so, mbi mu yanga na awafango-ngbanga ti ala, mbi tene: “Alingbi ala ma atënë so a-ita ti ala aga na ni na gbe ti ala nzoni. Tongana mbeni zo ti Israel awara tënë na mba ti lo wala na mbeni wande so aga aduti na popo ti ala si lo ga na tënë ni na gbe ti ala, ayeke nzoni ala fâ ya ti ngbanga ni na legeni.

Ahebro 1:9

Mo ye gi ye ti mbirimbiri si mo ke ye ti sioni. Ndani laa Nzapa, Nzapa ti mo asoro mo na popo ti amba ti mo si atuku mafuta ti matanga na li ti mo.”

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

1 Samuel 19:4

Jonatan atene nzoni tënë ti David na babâ ti lo Saul, atene: “Ayeke nzoni gbia asara siokpari pepe na tere ti zo ti kua ti lo David, ngbanga ti so lo sara siokpari na tere ti mo pepe. Me lo sara nzoni ye mingi ndali ti mo.

1 Samuel 20:32

Jonatan akiri tënë na babâ ti lo Saul, atene: “A yeke fâ lo ngbanga ti nyen? Nyen laa lo sara?”