Amato 31:5 - Mbeti ti Nzapa - Tënë so amu fini

⁵ Tongana ala nyon samba ahon ndö ti ala, fade ala yeke girisa tënë ti ndia si ala yeke fâ ngbanga ti asenge zo na legeni pepe.

Amato 31:5 ပူးပေါင်းရင်းမြစ်များ

1 Agbia 20:12

Andaa na ndembe ni so, Ben-Hadad na amba ti lo agbia angba ti nyon na ya ti ada ti bongo. So lo ma tënë so, lo mu yanga na aturugu ti lo ti kota kamba, lo tene: “Ala leke tere ti ala ti gue na bira!” Tongaso ala leke tere ti ala ndali ti bira.

Sigingo 23:6

“Na le ti ngbanga, ala sara si fango ngbanga ti zo ti mawa ague kirikiri pepe.

Amato 17:15

Zo so amu mbeni zo so tënë ayeke na li ti lo tongana zo ti mbirimbiri, lo na zo so amu zo ti mbirimbiri tongana zo so tënë ayeke na li ti lo, ala use kue, be ti KOTA GBIA ake ala mingi.

Amato 18:5

Tongana zo ake ti fâ ya ti ngbanga ti zo ti mbirimbiri si lo mu gi mbage ti zo ti sioni, so ayeke nzoni pepe.

Ésaïe 5:22

Mawa na ala, azo so amu ngangu ti ala kue gi ti nyongo samba, ala so akpengba gi ti bongbi mara ti asamba nde nde ti nyon!

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Awayango-sandaga 10:9

“Mo na amolenge ti mo, tongana ala ye ti gue na ya ti da ti bongo so KOTA GBIA na azo ti lo ayeke wara tere daa, ala nyon vin pepe, wala ngangu samba pepe. Tongaso pepe, fade ala yeke kui. Ndia so ayeke ngba ngu na ngu ndali ti *ahale ti ala ti angoi kue.

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.