Amato 31:4 - Mbeti ti Nzapa - Tënë so amu fini

⁴ Lemuel, nyongo vin alingbi na agbia pepe; nyongo angangu samba alingbi na amakonzi pepe.

Amato 31:4 ပူးပေါင်းရင်းမြစ်များ

1 Agbia 16:9

Zimri, mbeni oko ti aturugu ti kota kamba ti lo ayeke makonzi ti ndambo ti aturugu so ayeke kpe na apusu ti mbarata ti gbia. Zimri aleke tënë na hondengo ni na tere ti Ela. Na ndembe ni so, Ela ayeke na Tirsa, na da ti Arsa, makonzi ti yangbo ti gbia, lo ngba ti nyon samba ahon ndoni.

1 Agbia 20:12

Andaa na ndembe ni so, Ben-Hadad na amba ti lo agbia angba ti nyon na ya ti ada ti bongo. So lo ma tënë so, lo mu yanga na aturugu ti lo ti kota kamba, lo tene: “Ala leke tere ti ala ti gue na bira!” Tongaso ala leke tere ti ala ndali ti bira.

Esther 1:10

Na lango mbarambara ti matanga ni, na peko ti so lo nyon vin ngbii si tere ti lo anzere awe, lo mu yanga na *ambaiwa ti lo mbarambara Mehuman, Bizta, Harbona, Bigta, Abagta, Zetar na Karkas

Esther 3:15

Gi so gbia amu yanga awe, azo ti tokua ni asigigi na kota loro si ala gue na ambeti ni. Azo atambula na ya ti kota kodro ti Suze kue ti fa na azo tënë ti ndia so. Tongaso gbia na Haman aduti ti nyon ye. Me li ti azo ti gbata ti Suze kue aga kirikiri.

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

Amato 23:34

Mo yeke baa mo tene, mo yeke na le ti kota ngu-ingo; mo yeke duti tongana zo so alango na ngbonda ti mangboko.

Zo ti bongbingo azo 10:17

Ti lo nzoni, kodro so gbia ni ayeke molenge ti kota zo si amakonzi ti kodro ni ayeke te kobe na ngoi so alingbi. Ala yeke te kobe ni ti wara ngangu, me titene ala nyon samba ahon ndoni pepe.

Ésaïe 5:22

Mawa na ala, azo so amu ngangu ti ala kue gi ti nyongo samba, ala so akpengba gi ti bongbi mara ti asamba nde nde ti nyon!

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.