Amato 30:9 - Mbeti ti Nzapa - Tënë so amu fini

⁹ Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Amato 30:9 ပူးပေါင်းရင်းမြစ်များ

Abia (Psaumes) 125:3

Fade mbeni sioni gbia alingbi ti sara komandema pepe na ndö ti kodro so aga ye ti azo ti mbirimbiri; tongaso pepe, fade azo ti mbirimbiri ni ayeke yoro tere ti ala na ya ti sioni.

Sigingo 20:7

“Alingbi mo di iri ti mbi KOTA GBIA Nzapa ti mo senge senge pepe. Biani, zo so adi iri ti mbi senge senge, mbi yeke zia lo senge pepe.

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Amato 29:24

Zo so asara songo na zo ti nzi, zo ni asara sioni gi na lo wani. Lo ma tënë ti dengo ba so aye ti ga na ndö ti lo so kue, me lo ke ti fa zo ti nzi ni.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 5:12

Azo ti Juda abere tënë ti KOTA GBIA, ala tene: “Lo yeke daa lawa! Fade mbeni ye ti sioni ayeke wara e pepe; bira wala nzara ayeke si na e pepe.

Ezekiel 23:35

Ndani laa, tënë so mbi Kota Gbia NZAPA, mbi tene ayeke so: Jérusalem, be ti mo agirisa na mbi awe, mo zia peko ti mo na mbi awe. Fadeso, mo yeke wara futa ti peko ti sarango ye ti potopoto ti mo nga na ti ye ti ndumba ti mo.”

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Osée 13:6

Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Awayango-sandaga 5:1

“Tongana mbeni zo abaa wala ahinga tënë ti mbeni ye so asi, tongana a hunda na lo titene lo fa peko ti ye ni na le ti ngbanga si lo ke, fade ngbanga ti siokpari ni ayeke ti na li ti lo.

Matthieu 26:72

Pierre akiri abere; lo deba yanga ti lo, lo tene: “Mbi hinga koli so oko pepe!”

Matthieu 26:74

Pierre ato nda ti deba yanga ti lo, atene: “Ayeke nzoni Nzapa afâ ngbanga na li ti mbi tongana mbi tene mvene! Mbi hinga koli so oko pepe!” Gi na pekoni, koli-kondo atoto.

Ndia ti fani use ni 31:20

Biani, mbi yeke sara titene azo so ali na *sese so ngu ti me ti bagara na mafuta ti wotoro asi singo daa; sese so mbi deba yanga ti mbi ando ti mu na akotara ti ala. Fade ala yeke te kobe alingbi na ala si ala yeke kono mingi; na pekoni, ala yeke kiri na mbage ti anzapa nde, ala yeke voro ala. Ala yeke baa mbi tongana senge ye na le ti ala, ala yeke buba ya ti mbuki ti mbi na ala.

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.

Josué 24:27

Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”