Amato 30:8 - Mbeti ti Nzapa - Tënë so amu fini

⁸ Mo zi na ya ti fini ti mbi aye ti kirikiri na atënë ti mvene. Mo sara si mbi ga wayere pepe wala zo ti mosoro nga pepe; mo mu na mbi gi kobe so alingbi na mbi.

Amato 30:8 ပူးပေါင်းရင်းမြစ်များ

Tongo nda ti aye 28:20

Jacob amu zendo, atene: “Tongana Nzapa ayeke na mbi si lo bata mbi na lege so mbi yeke tambula daa so, tongana lo mu na mbi kobe ti tengo ni na abongo ti yungo ni,

2 Agbia 25:30

Lango oko oko, na lango ti fini ti lo kue, Yoakin ayeke wara ye so ayeke nzoni ndali ti gigi ti lo gi na maboko ti gbia ti Babilone.

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Abia (Psaumes) 119:29

Bata mbi si mbi mu lege ti tenengo mvene pepe; na lege ti nzoni be ti mo, fa na mbi ndia ti mo.

Abia (Psaumes) 119:37

Sara si le ti mbi angba na ndö ti buba ye pepe, sara si mbi kiri mbi duti na fini ti mu lege so mo fa.

Sigingo 16:15

Azo ti Israel abaa ye ni si ala tene na popo ti ala, atene: “So nyen laa?” Biani, ala hinga ye ni so pepe. Moïse atene na ala: “Mapa so KOTA GBIA amu na ala titene ala te laa.

Sigingo 16:18

Na pekoni ala mu sembe, ala haka na akobe ni: zo so aro mingi awara kobe ahon ndoni pepe; zo so aro kete, kobe atia lo pepe. Zo oko oko awara kobe so alingbi na lo.

Sigingo 16:29

Alingbi ala hinga so: mbi KOTA GBIA, mbi mu na ala lango ti wungo tere. Ndani laa na lango omene ni, mbi mu nga na ala mapa ti lango use. Na lango mbarambara ni, ayeke nzoni zo oko oko angba na ndo ti lo; zo oko asigigi pepe.”

Sigingo 16:35

Azo ti Israel ate mane so na ya ti ngu baleosio ngbii ala si na sese so azo aduti daa. Ala te ni ngbii ala si na katikati ti sese ti Kanaan.

Amato 13:5

Zo ti mbirimbiri ake tënë ti mvene; me zo ti sioni ayeke bi buba na tere ti azo si lo yeke zia kamene na le ti ala.

Amato 21:6

Azo so aye ti wara mosoro na lege ti tenengo mvene ayeke gi kuâ; ye so ala wara ayeke tongana guru so pupu amu ahon na ni.

Amato 22:8

Zo so alu sioni ye, lengo ni so lo yeke ko ayeke kpale; ngangu so lo yeke sara na sioni na azo, fade ayeke hunzi.

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Amato 30:7

“Nzapa ti mbi, mbi hunda gi aye use na mo. Mo mu aye ni so na mbi kozoni si mbi kui.

Zo ti bongbingo azo 1:2

Ye kue ayeke senge senge; Zo ti bongbingo azo atene: ye kue ayeke senge senge, ye kue ayeke gi senge senge.

Ésaïe 5:18

Mawa na ala, azo so ayeke gboto siokpari na peko ti ala na kamba ti mvene! Ala yeke gboto sioni ti ala tongana ti so a yeke gboto pusu ti mbarata.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Jérémie 52:34

Lango oko oko ngbii asi na lango so lo kui na ni, na lango ti fini ti lo kue, Yoakin ayeke wara ye so ayeke nzoni ndali ti gigi ti lo gi na maboko ti gbia ti Babilone.

Matthieu 6:11

Mu na e laso kobe so alingbi na e.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Nzoni Tënë so Luc asu na mbeti 11:3

Mu na e na ya ti lango oko oko, kobe so alingbi na e.

Jean 2:8

Jésus atene na ala: “Ala to mbeni ngu ni, ague na ni na kota zo ti li ti matanga ni.” Ala to ngu ni, ague na ni.

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.