Amato 30:7 - Mbeti ti Nzapa - Tënë so amu fini

⁷ “Nzapa ti mbi, mbi hunda gi aye use na mo. Mo mu aye ni so na mbi kozoni si mbi kui.

Amato 30:7 ပူးပေါင်းရင်းမြစ်များ

2 Agbia 2:9

So ala fâ ngu ni awe, Élie atene na Élisée: “Kozo titene KOTA GBIA amu mbi, ahon na mbi yongoro na tere ti mo, hunda ye so mo ye titene mbi sara ndali ti mo.” Élisée akiri tënë, atene: “Mbi gbu gere ti mo, mbi ye titene yingo so mo yeke na ni aga na ndö ti mbi fani use.”

Abia (Psaumes) 21:2

*KOTA GBIA, be ti gbia anzere mingi ndali ti ngangu ti mo. Be ti gbia asi na ngia ndali ti so mo sara si lo so benda awe!

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Amato 30:6

Mo zia mbeni tënë na ndö ti atënë ti lo pepe. Tongaso pepe, fade lo yeke suku na mo si lo yeke baa mo tongana zo ti mvene.

Amato 30:8

Mo zi na ya ti fini ti mbi aye ti kirikiri na atënë ti mvene. Mo sara si mbi ga wayere pepe wala zo ti mosoro nga pepe; mo mu na mbi gi kobe so alingbi na mbi.

Nzoni Tënë so Luc asu na mbeti 10:42

Taa nzoni ye ayeke gi oko. Marie laa asoro ti lo taa nzoni ye ni: fade mbeni zo ti zi ni na maboko ti lo ayeke daa pepe.”