Amato 30:5 - Mbeti ti Nzapa - Tënë so amu fini

⁵ “Atënë ti Nzapa kue ayeke taa-tënë. Nzapa ayeke tongana *vala ndali ti azo so akpe na lo ti bata tere ti ala.

Amato 30:5 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

2 Samuel 22:31

Lege ti Nzapa ayeke nzoni kue, a tara tënë ti KOTA GBIA, tënë ni ayeke taa-tënë. Lo yeke *vala ti azo so akpe na lo ti bata tere ti ala.

Abia (Psaumes) 119:140

A tara atënë ti yanga ti mo, mbeni ye ti sioni oko ayeke daa pepe, nilaa mbi zo ti kua ti mo, mbi ye ni mingi.

Abia (Psaumes) 12:6

KOTA GBIA atene: “Ndali ti so a sara ngangu na azo so ye atia ala si azo ti mawa ayeke toto mingi, mbi yeke londo fadeso ti ga. Mbi yeke ga ti zi ala na ya ti aye ti ngangu, ala so azo abaa ala tongana mbumbuse ye so.”

Abia (Psaumes) 144:2

Lo yeke *mbuki ti mbi, lo yeke tongana ngangu gbagba na tere ti mbi, lo yeke ngangu gbagba so mbi kpe daa ti honde tere ti mbi, lo yeke wasongo mbi, lo yeke *vala ti mbi; mbi honde tere ti mbi nduru na lo. Lo laa lo zia azo ti mbi na gbe ti komandema ti mbi.

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 18:30

Na ngangu ti mo, mbi lingbi ti ti na ndö ti awato ti mbi so aga ti tiri bira na mbi; na ngangu ti Nzapa ti mbi, mbi lingbi ti hon na ndö ti gbagba ti bira.

Abia (Psaumes) 18:31

Lege ti Nzapa ayeke nzoni kue, a tara tënë ti KOTA GBIA, tënë ni ayeke taa-tënë; lo yeke vala ti azo so akpe na lo ti bata tere ti ala.

Abia (Psaumes) 19:8

*Ndia ti *KOTA GBIA ayeke nzoni kue, ndia ni ayeke kiri ngangu na fini ti zo. Yanga so KOTA GBIA amu alingbi titene zo azia be ti lo daa, ayeke mu ndara na zo so ahinga ndo pepe.

Abia (Psaumes) 3:3

Azo so ayeke tene tënë na iri ti mbi, ala yeke mingi; ala tene: “Nzapa ayeke soo lo na kuâ lawa!” Luti kete

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Abia (Psaumes) 91:2

Zo ni ayeke tene na *KOTA GBIA, atene: “Mo yeke ndo so mbi kpe daa ti bata tere ti mbi, mo yeke tongana ngangu gbagba na tere ti mbi; mo yeke Nzapa ti mbi, mbi zia be ti mbi na ndö ti mo.”

Amato 2:7

KOTA GBIA ayeke bata anzoni ye ndali ti azo ti mbirimbiri; lo yeke tongana *vala ndali ti azo so sarango ye ti ala ayeke na legeni.

Amato 29:25

Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.

Rome 7:12

Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.