Amato 30:4 - Mbeti ti Nzapa - Tënë so amu fini

⁴ Zo wa laa ague na yayu si lo londo kâ lo zu na sese, zo wa? Zo wa laa agbu pupu laoko na ya ti maboko ti lo, zo wa? Zo wa laa akanga ngu laoko na ya ti bongo ti lo, zo wa? Zo wa laa aleke nda ti sese kue, zo wa? Iri ti lo ayeke nyen? Iri ti molenge ti lo ayeke nyen? Mo hinga ni?

Amato 30:4 ပူးပေါင်းရင်းမြစ်များ

Tongo nda ti aye 32:29

Zo ni akiri atene: “A yeke kiri ti iri mo Jacob pepe; me a yeke iri mo Israel, ngbanga ti so mo tiri na Nzapa nga na azo si mo hon ndö ti ala.”

Mbeti ti Job 11:7

Mo lingbi ti hinga ye so ayeke na be ti Nzapa kâ? Nzapa so ngangu ti lo ahon angangu kue so, mo lingbi ti hinga mbirimbiri ti lo so ahon aye ti mbirimbiri kue?

Mbeti ti Job 11:8

Ndara ti lo ayo na nduzu kâ ahon yayu, nyen laa mo lingbi ti sara, nyen? Ndara ti lo ayo na gbe ti sese ahon ndo ti akuâ, nyen laa mo lingbi ti hinga daa, nyen?

Mbeti ti Job 26:8

Lo kanga ngu-Nzapa na ya ti ambinda; lo kanga lege na nengo ti ngu-Nzapa ti koro ambinda ni.

Abia (Psaumes) 135:7

Lo sara si ambinda alondo kâ na nda ti sese si ague na nduzu; lo sara wâ ti bekpa titene ngu-Nzapa apika, lo sigigi na pupu na ndo so lo bata ni daa.

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Abia (Psaumes) 22:27

Fade mbi yeke tisa azo so ye atia ala: ala yeke te ye, ya ti ala asi. Azo so ayeke gi KOTA GBIA, ayeke nzoni ala gonda lo, ala te gigi aninga, ala duti nzoni na ndö ti gigi ni!

Abia (Psaumes) 24:2

Lo laa lo zia sese na ndö ti akota ngu-ingo, lo gbu ni ngangu si aluti na ndö ti *abale.

Abia (Psaumes) 68:18

Apusu ti mbarata ti Nzapa ayeke kutu mingi. Kota Gbia ayeke na popo ti ala, lo yeke na ndo ti lo so ayeke nde si ayeke nzoni kue, tongana ti so lo yeke lani na hoto ti Sinai.

Sigingo 15:10

Me mo KOTA GBIA, mo huru pupu si kota ngu-ingo akanga ndö ti ala. Ala li na gbe ti kota ngu tongana nengo wen.

Sigingo 6:3

Ando mbi si na Abraham, na Isaac nga na Jacob tongana ‘Nzapa so ngangu ti lo ahon angangu kue’. Me iri ti mbi so ayeke ‘KOTA GBIA’ so, mbi fa ni na ala pepe.

Ésaïe 45:18

*KOTA GBIA asara yayu; lo yeke Nzapa so lo sara sese, lo leke ni, lo sara si akpengba. Lo sara sese ni titene ndö ni angba senge pepe, lo sara ni titene azo alango daa. Tënë so lo tene ayeke so: “Mbi laa mbi yeke KOTA GBIA, mbeni nde ayeke daa pepe.

Ésaïe 53:8

Azo agbu lo, ala fâ ngbanga na li ti lo si ala fâ lo. Me na popo ti azo ti ngoi ti lo, zo wa laa abaa mawa ti lo, zo wa? Biani, a zi lo na ndö ti sese ti azo so angba na fini; a pika lo ndali ti sioni ti azo ti mbi.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Nzoni Tënë so Luc asu na mbeti 10:22

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.”

Jean 3:13

Zo oko ade ti ma na yayu pepe, gi *Molenge ti Zo; lo laa lo londo na yayu si lo zu na sese.

Rome 10:6

Me tënë ti gango mbirimbiri na lege ti mabe, a tene tongaso: “Ayeke nzoni mo tene na be ti mo pepe, mo tene: ‘Zo wa laa ayeke gue ande na yayu?’ Tongana mo tene tongaso, andaa mo ye ti mu Christ ti zu na lo na sese.

Ndia ti fani use ni 28:58

Atënë ti ndia ti Nzapa so kue a su na ya ti buku so, alingbi ala sara kue ti sara ye alingbi na ni. Alingbi ala ne iri ti lo so alingbi na gonda, iri so ayeke mu mbeto na zo: “KOTA GBIA Nzapa ti ala”.

Ndia ti fani use ni 30:12

Ayeke na yayu pepe si fade mbeni zo atene: “Zo wa laa ayeke gue ande na yayu ti ga na ni na e? Zo wa laa ayeke sara si e ma tënë ni si fade e sara ye alingbi na ni?”

Aye so Nzapa afa 19:12

Le ti lo ti bango na ndo ayeke za tongana menga ti wâ, akpoto mingi ti gbia ayeke na li ti lo. A su mbeni iri na tere ti lo so zo oko ahinga nda ni pepe, me gi lo oko.

Awafango-ngbanga 13:18

Ange ti KOTA GBIA akiri tënë na lo: “Mo ye ti hinga iri ti mbi ngbanga ti nyen? Iri ni ayeke ye ti kpene.”