Amato 30:32 - Mbeti ti Nzapa - Tënë so amu fini

³² Tongana mo sara ye ti buba na lege ti pikango kate ti mo, me na pekoni mo gbu li ti mo daa, ayeke nzoni mo kiri mo zi yanga ti mo ti tene tënë pepe.

Amato 30:32 ပူးပေါင်းရင်းမြစ်များ

Mbeti ti Job 21:5

Ala baa mbi nzoni: fade li ti ala ayeke kpe kue si tënë ayeke hunzi na yanga ti ala.

Mbeti ti Job 40:4

Mbi yeke ti mbi ye oko pepe. Tënë ti nyen laa mbi lingbi ti kiri ni na mo? Tënë ahunzi na yanga ti mbi awe.

Amato 17:28

Ataa zo ti buba, tongana lo duti kpoo, azo alingbi ti baa lo tongana zo ti ndara; tongana lo zi yanga pepe, azo alingbi ti baa lo tongana zo ti hingango ndo.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 30:31

koli-kondo: lo yeke tambula na baba, wala koli-ngasa, na gbia so atambula na le ti aturugu ti lo.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.