Amato 30:3 - Mbeti ti Nzapa - Tënë so amu fini

³ Mbi manda ndara laoko pepe; lo so ayeke nde si ayeke nzoni kue so, mbi de ti hinga tënë na ndö ti lo pepe.

Amato 30:3 ပူးပေါင်းရင်းမြစ်များ

Amato 30:4

Zo wa laa ague na yayu si lo londo kâ lo zu na sese, zo wa? Zo wa laa agbu pupu laoko na ya ti maboko ti lo, zo wa? Zo wa laa akanga ngu laoko na ya ti bongo ti lo, zo wa? Zo wa laa aleke nda ti sese kue, zo wa? Iri ti lo ayeke nyen? Iri ti molenge ti lo ayeke nyen? Mo hinga ni?

Amato 9:10

Kpengo mbeto ti KOTA GBIA ayeke tongo nda ti dutingo na ndara. Hingango lo so ayeke nde si ayeke nzoni kue, taa hingango ye laa.

Ésaïe 30:11

Ala zia nzoni lege, ala hon yamba, ala londo na ndö ti nzoni lege. Ala kiri atene na e tënë ti Nzapa ti Israel pepe, lo so lo yeke nde si lo yeke nzoni kue so!”

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 6:10

Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 16:17

Jésus akiri tënë na lo: “Ti mo nzoni Simon, molenge ti Jean! Tënë so mo tene so, zo laa azia ni na yanga ti mo pepe, me Babâ ti mbi so ayeke na yayu laa afa na mo.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Rome 11:33

Anzoni ye ti Nzapa ayeke kota biani! Ndara ti lo na hingango ye ti lo ayeke kota ahon ndoni! Zo wa laa alingbi ti hinga nda ti fango ngbanga ti lo? Zo wa laa alingbi ti hinga tënë ti be ti lo?

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.

Aye so Nzapa afa 4:8

Aye osio so ayeke na fini, ala oko oko ayeke na *kpangi omene. Ale ti bango na ndo ayeke na tere ti akpangi ni kue, na ya ni nga na gigi. Bi na lâ, ala ngba ti he bia, atene: “*Kota Gbia, Nzapa so ngangu ti lo ahon angangu kue, lo yeke nde, lo yeke nde; lo yeke nde si lo yeke nzoni kue! Lo yeke ando, lo yeke laso si lo yeke ga.”