Amato 30:11 - Mbeti ti Nzapa - Tënë so amu fini

¹¹ “Ambeni zo ayeke daa so ayeke deba babâ ti ala si ala yeke tene nzoni tënë na ndö ti mama ti ala pepe.

Amato 30:11 ပူးပေါင်းရင်းမြစ်များ

Sigingo 21:17

“Zo so adeba babâ ti lo wala mama ti lo, alingbi ala fâ lo.”

Amato 20:20

Zo so adeba babâ na mama ti lo, fini ti lo akpa lamba so amingo na bi.

Amato 23:22

Mo ma babâ ti mo; lo laa lo du mo. Ataa mama ti mo aga mbakoro, mo baa lo tongana mbumbuse zo pepe.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Awayango-sandaga 20:9

“Tongana mbeni zo adeba babâ ti lo wala mama ti lo, alingbi a fâ lo. Ngbanga ti mene ti lo akiri na li ti lo wani, ngbanga ti so lo deba babâ ti lo na mama ti lo.

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

1 Timothée 5:4

Tongana mbeni wali-mua ayeke na amolenge wala atara, alingbi ala hinga ti bata azo ti sewa ti ala kozoni, ti kiri na peko ti nzoni ye so ababâ na amama ti ala asara ando na ala. Ye so anzere na le ti Nzapa laa.

1 Timothée 5:8

Tongana mbeni zo abata azo ti lo na legeni pepe si lo hinga ti bata taa azo ti sewa ti lo na legeni pepe, lo zia lege ti mabe awe. Sioni ti lo ahon sioni ti azo so ake ti ma na be.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.