Amato 3:6 - Mbeti ti Nzapa - Tënë so amu fini

⁶ Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

Amato 3:6 ပူးပေါင်းရင်းမြစ်များ

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Néhémie 2:4

Gbia atene na mbi: “Mo ye nyen?” Mbi sambela Nzapa ti yayu.

Néhémie 7:5

Nzapa ti mbi azia na be ti mbi titene mbi bongbi akota zo, amakonzi na tanga ti azo ni ti diko wungo ti ala. Azo so a alondo na ngbaa na kodro wande si ala kiri ti ala kozoni, mbi wara wungo ti ala na ya ti mbeni buku; ye so a su na ya ti buku ni ayeke so:

Abia (Psaumes) 32:8

KOTA GBIA atene na mbi: “Fade mbi yeke fa ye na mo, mbi yeke fa na mo lege ti tambula daa, mbi yeke mu na mo wango si mbi yeke baa ndo na ndö ti mo.

Amato 11:5

Mbirimbiri ti zo so sarango ye ti lo ayeke na legeni ayeke sara si fini ti lo aduti mbirimbiri; me sarango sioni ti zo ti sioni asara si lo ti.

Amato 16:3

Ye so mo yeke sara, mo zia ni na maboko ti KOTA GBIA si fade apialo ti mo ayeke ga nzoni.

Amato 16:9

Zo ayeke leke na be ti lo ti mu mbeni lege, me KOTA GBIA laa ayeke mu ngangu na lo ti tambula daa.

Amato 23:17

Sara kota be na tere ti azo ti siokpari pepe; me mo kpe mbeto ti KOTA GBIA lakue.

Ésaïe 26:7

*KOTA GBIA, zo ti mbirimbiri, lege ti lo ayeke mbirimbiri; mo yeke sara si lege ti zo ti mbirimbiri aba pepe.

Ésaïe 30:21

Na ndembe so mo ye ti hon na mbage ti maboko ti koli wala na mbage ti maboko ti wali, mo yeke ma na peko ti mo mbeni go so ayeke tene: “Baa lege ni laa, mo mu ni!”

Ésaïe 45:13

Mbi laa mbi soro koli so na lege ti mbirimbiri. Alege so kue lo yeke hon daa, mbi yeke sara si aga kpangbara. Lo laa lo yeke kiri ti leke Jérusalem, gbata ti mbi. Azo ti mbi so a gbu ala, a gue na ala na kodro wande, lo laa lo yeke zia lege na ala ti kiri. Ala yeke mu na lo mbeni ye oko pepe, wala ala yeke futa nga lo pepe. Tënë so KOTA GBIA so ayeke na ndö ti dunia kue atene laa.”

Ésaïe 48:17

*KOTA GBIA, lo so lo zi mo, Nzapa ti Israel so ayeke nde si ayeke nzoni kue, tënë so lo tene ayeke so: “Mbi KOTA GBIA, Nzapa ti mo, mbi laa mbi yeke fa na mo ye so mo lingbi ti baa nzoni daa. Mbi laa mbi yeke gue na mo lege so mo yeke tambula daa.

Jérémie 10:23

KOTA GBIA, mbi hinga, zo ayeke makonzi na ndö ti lege ti lo wani pepe; zo so ayeke tambula na lege, lo yeke makonzi na ndö ti tambula ti lo pepe.

Jérémie 42:3

Ayeke nzoni KOTA GBIA, Nzapa ti mo afa na e lege so e lingbi ti mu nga na ye so e lingbi ti sara.”

Wungo ti azo 9:20

Mbeni lâ, mbinda ni ayeke ngba na ndö ti da ni aninga pepe. Tongana KOTA GBIA amu yanga, azo ti Israel ayeke sara bâbâ; tongana lo mu yanga, ala yeke londo ti hon.

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

Kolose 3:23

Ataa kua ni ayeke tongana nyen, ala sara ni na be ti ala kue, ngbanga ti so kua ni ayeke gi ndali ti azo pepe, me ndali ti Kota Gbia.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

1 Samuel 30:8

David ahunda KOTA GBIA, atene: “Tongana mbi tumba peko ti bongbi ti azo so ahon so, fade mbi yeke wara ala?” KOTA GBIA atene na lo: “Mo tumba peko ti ala; fade mo yeke wara ala si mo yeke zi azo ti mo na maboko ti ala.”