Amato 3:21 - Mbeti ti Nzapa - Tënë so amu fini

²¹ Molenge ti mbi, ayeke nzoni hango le na nzoni gbungo-li aga aye ti tere ti mo; alingbi mo zia ni laoko pepe.

Amato 3:21 ပူးပေါင်းရင်းမြစ်များ

Amato 1:4

Amato ni ayeke sara titene zo so le ti lo ahan pepe, le ti lo ahan; ala yeke sara nga titene amaseka ahinga ndo si ala wara nzoni gbungo-li.

Amato 18:1

Zo so aye ti duti gi lo oko, lo yeke gi gi nzoni ti lo wani. Tongana a ye ti mu na lo wango, lo yeke sara ngonzo.

Amato 19:8

Zo so ayeke manda ti gbu li ti lo nzoni, lo yeke sara nzoni na lo wani; zo so asara ngangu kue ti hinga ndo, lo yeke baa nzoni daa.

Amato 2:7

KOTA GBIA ayeke bata anzoni ye ndali ti azo ti mbirimbiri; lo yeke tongana *vala ndali ti azo so sarango ye ti ala ayeke na legeni.

Amato 4:21

Mo girisa ni pepe; mo bata ni na ya ti be ti mo.

Amato 4:6

Mo zia ndara pepe, fade lo yeke bata mo. Mo ye ndara, fade lo yeke bata mo si sioni ye asi na mo pepe.

Amato 5:2

Tongaso, fade mo yeke bata atënë ti mbi so ayeke sara si le ti mo ahan si mo yeke hinga nda ti atënë so mo yeke tene.

Amato 8:14

Kua ti mbi ayeke ti mu wango na azo; mbi yeke mu lege na ala ti sara aye ti ala nzoni. Mbi laa mbi yeke hingango nda ti aye; ngangu ayeke ti mbi.

Jean 8:31

Jésus atene na azuife so ama na be na lo, atene: “Tongana ala bata tënë ti mbi, andaa ala yeke adisiple ti mbi biani.

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Josué 1:8

Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.

1 Jean 2:24

Ndani laa, a-ita, ayeke nzoni ala bata na be ti ala tënë so ala ma ngbene ye na tongo nda ni. Tongana ala bata na be ti ala tënë so ala ma ngbene ye na tongo nda ni, fade ala yeke ngba ti duti oko na Molenge ni nga na Babâ ni.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.