Amato 3:20 - Mbeti ti Nzapa - Tënë so amu fini

²⁰ Na lege ti hingango ye ti lo, ngu so ayeke yongoro na gbe ti sese kâ asigigi, mbinda asara si ngu apika.

Amato 3:20 ပူးပေါင်းရင်းမြစ်များ

Tongo nda ti aye 1:9

Nzapa atene: “Ayeke nzoni angu so ayeke na gbe ti nduzu abongbi tere ti ala na ndo oko si holengo ndo asigigi.” Ye ni asi tongana ti so lo tene.

Tongo nda ti aye 27:28

Ayeke nzoni Nzapa asara titene ngu alondo na nduzu azu na ndö ti sese ti mo si sese ti mo adu ale ti kobe mingi; lo mu na mo ale ti *ble na fini vin gbani gbani.

Tongo nda ti aye 7:11

Na ndembe so Noe ayeke na ngu ngbangbo omene, na lango baleoko na mbarambara ti use nze ni, angu ti gbe ti sese so ali mingi alondo na ya ti adu ti ala nde nde, asigigi na ngangu; fenetere ti yayu azi kota.

Amato 8:24

Na ndembe so a du mbi, akota ngu ayeke daa pepe; ali ti ngu so ngu ayeke sigigi daa ayeke nga daa pepe.

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Ndia ti fani use ni 33:28

Azo ti Israel aduti na siriri; *ahale ti Jacob aduti nde na ya ti mbeni kodro so ale ti kobe na fini vin ayeke daa, ngu ti pere alondo na yayu si ayeke ti na ndö ni.