Amato 3:2 - Mbeti ti Nzapa - Tënë so amu fini

² Tongaso, fade gigi ti mo ague, ayo, mo yeke duti na fini aninga si mo yeke duti na siriri.

Amato 3:2 ပူးပေါင်းရင်းမြစ်များ

1 Agbia 3:14

Tongana mo tambula na lege ti mbi, mo sara ye alingbi na andia ti mbi nga na atënë ti yanga ti mbi tongana ti so David, babâ ti mo asara, fade mbi yeke sara titene gigi ti mo ayo.”

Mbeti ti Job 5:26

Mo yeke ngba na ngangu ngbii mo kui na ni; mo yeke ngba na ngangu tongana gba ti *ble so a kanga ni na ngoi ti fango ale ti kobe.

Abia (Psaumes) 119:165

Azo so aye ndia ti mo, ala yeke na taa siriri, mbeni ye ti kinda ala ayeke daa pepe.

Abia (Psaumes) 128:6

mo yeke baa amolenge ti amolenge ti mo. Ayeke nzoni siriri aduti na Israel!

Abia (Psaumes) 21:4

Mo ga ti sara tufa na ndö ti lo, mo ga ti mu na lo anzoni ye mingi; mo zia kpoto ti lôro na li ti lo.

Abia (Psaumes) 91:16

Fade mbi yeke sara si gigi ti lo ague, ayo, alingbi na be ti lo; mbi yeke fa na lo so mbi yeke wasongo lo.”

Amato 10:27

Kpengo mbeto ti KOTA GBIA asara si gigi ti zo ague, ayo; me azo ti sioni ayeke kui hio mingi.

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Amato 4:10

Molenge ti mbi, ma mbi! Mo sara ye alingbi na atënë ti mbi si fade gigi ti mo ague, ayo.

Amato 4:4

Lani, babâ ti mbi ayeke fa na mbi aye tongaso: “Bata atënë ti mbi na be ti mo; sara ye alingbi na atënë ti yanga ti mbi si fade mo ngba na fini.

Amato 9:11

Biani, ndali ti mbi Ndara, fade gigi ti mo ayeke gue, ayo si mbi yeke zia ambeni ngu na ndö ti ngu ti mo.

Ésaïe 32:17

Sarango ye ti mbirimbiri ayeke du siriri, ayeke sara si azo aduti kpoo, mbeni ye ti sioni ayeke si na ala pepe kpu na kpu.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Ndia ti fani use ni 11:21

Tongana ala sara ye alingbi na ni, fade ala na *ahale ti ala ayeke duti na fini na ya ti kodro so KOTA GBIA adeba yanga ti lo lani ti mu na akotara ti ala. Na ngoi so kue yayu ayeke ngba na nduzu na ndö ti sese, ala yeke duti na fini na ya ti kodro ni.

Ndia ti fani use ni 5:32

Moïse akiri atene na azo ti Israel, atene: Ala sara kue ti sara ye alingbi na ye so KOTA GBIA Nzapa ti ala amu yanga na ala ti sarango ni; ala zia ni, ahon mbage na mbage pepe.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.