Amato 3:18 - Mbeti ti Nzapa - Tënë so amu fini

¹⁸ Ndara ayeke tongana keke so ayeke mu fini na azo so asara ye alingbi na ni. Lo yeke zia ngia na be ti azo so awara ni.

Amato 3:18 ပူးပေါင်းရင်းမြစ်များ

Tongo nda ti aye 2:9

KOTA GBIA Nzapa asara titene mara ti akeke nde nde kue asigigi na ya ti yaka ni; akeke ni ayeke pendere ti baa, ale ni anzere ti te. Na be ti yaka ni, Nzapa azia keke so ayeke mu fini na zo, na keke so ayeke sara titene zo ahinga ye so ayeke nzoni na ye so ayeke sioni.

Tongo nda ti aye 3:22

KOTA GBIA Nzapa atene: “Baa, zo aga tongana mbeni oko ti e awe, na lege ti hingango ye so ayeke nzoni na ye so ayeke sioni. Fadeso, alingbi a kanga lege na lo si lo kiri lo yoro maboko ti lo pepe, ti mu le ti keke so ayeke mu fini na zo so. Tongana lo te ni, fade lo yeke ngba na fini lakue lakue.”

Amato 11:30

Sarango ye ti zo ti mbirimbiri ayeke tongana keke so ayeke mu fini na zo. Zo so ayeke na ndara, fade lo yeke woko be ti azo titene ala mu peko ti lo.

Amato 13:12

Ye so zo azia be ti lo daa ti ku si asi hio pepe, ye ni asara si be ti lo awoko. Me tongana zo awara ye so lo sara nzara ni, ye ni ayeke ga tongana keke so amu fini na zo.

Amato 15:4

Tënë so ayeke mu ngangu na be ti zo ayeke tongana keke so ayeke mu fini na zo; tënë ti handa asara si be ti zo afun.

Amato 4:13

Wango so a mu na mo, mo bata ni ngangu, mo zia lege ni pepe. Mo bata ni, ngbanga ti so fini ti mo laa!

Amato 8:32

“Fadeso amolenge ti mbi, ala ma mbi si! Ti ala nzoni, azo so ayeke sara ye alingbi na atënë ti mbi!

Amato 8:34

Ti lo nzoni, zo so ama mbi, zo so ayeke bata yanga ti da ti mbi lakue; lo yeke sara sanziri na tere ti yanga ti da ti mbi.

Zo ti bongbingo azo 7:12

Ndara ayeke bata zo tongana ti so nginza ayeke bata zo. Ndara asara si gigi ti zo ague, ayo, nilaa ayeke nzoni, zo aduti na ndara.

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”

Aye so Nzapa afa 22:2

Ngu ni asua, ahon na be ti balabala ti ya ti gbata ni. Na atere ti ngu ni, mbage na mbage, keke so ayeke mu fini na zo ayeke daa. Keke ni ayeke le fani baleoko na use na ya ti ngu oko, so ti tene nze na nze. Akugbe ti keke ni ayeke yoro ti kaingo na kobela na tere ti amara.