Amato 3:10 - Mbeti ti Nzapa - Tënë so amu fini

¹⁰ Tongaso, fade agogoro ti mo ayeke si singo na kobe; ndo so mo yeke bata vin ti mo daa, vin ayeke si singo daa si ayeke tuku.

Amato 3:10 ပူးပေါင်းရင်းမြစ်များ

2 Mbai 31:10

Kota wayango-sandaga Azaria, zo ti kete mara ti Sadok akiri tënë na lo, atene: “Aye so azo azi na ndö ti aye so ala wara si ngbene ye, ala to nda ti ga na ni na ya ti kota da ti KOTA GBIA, e te kobe, ya ti e asi, e zia tanga ni angba gbani, ngbanga ti so KOTA GBIA asara tufa na ndö ti azo ti lo. Gba ni laa angba ge ahon ndoni so.”

2 Mbai 31:21

Kua so lo sara ndali ti kota da ti Nzapa, kua so lo sara titene azo abata ndia ti Nzapa na atënë ti ndia ti lo, lo sara ni na be ti lo kue, lo gi Nzapa ti lo si ye ti lo kue aga nzoni.

Abia (Psaumes) 144:13

Ayeke nzoni ya ti agogoro ti e asi singo na anzoni ye nde nde, ataba ti e so ayeke na ya ti apere, adu saki saki, gbani gbani!

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Amato 22:9

Zo so ayeke sara nzoni be na azo, fade tufa ayeke ga na ndö ti lo, ngbanga ti so lo mu kobe na awayere.

Joël 2:24

Fade ya ti agogoro ayeke si singo na ble, akota tawa ayeke si singo na fini vin nga na nzoni mafuta.

Aggée 2:19

Ale ti kobe angba na ya ti agogoro ti ala? Ataa keke ti vinye, keke ti fige, keke ti grenade nga na keke ti olive ale oko pepe. Ti londo laso ti gue na ni, mbi yeke sara tufa na ndö ti ala.”

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Ndia ti fani use ni 14:29

Tongaso azo ti mara ti Lévi so ayeke na sese tongana ala, azo ti Israel pepe, na awande, anyindu na awali-mua so aduti na ya ti agbata ti ala, ayeke te kobe alingbi na nzara ti ala. Tongaso, fade KOTA GBIA Nzapa ti ala ayeke sara tufa na ndö ti ala na ya ti akua so kue ala yeke sara.

Ndia ti fani use ni 28:8

Fade KOTA GBIA ayeke bata aye so kue ala bongbi na ya ti agogoro ti ala; lo yeke sara si aye ti ala kue aga nzoni. Lo yeke sara tufa na ndö ti ala na ya ti kodro so lo yeke mu na ala.