Amato 3:1 - Mbeti ti Nzapa - Tënë so amu fini

¹ Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Amato 3:1 ပူးပေါင်းရင်းမြစ်များ

Abia (Psaumes) 119:11

Mbi bata atënë ti yanga ti mo na be ti mbi, tongaso si mbi sara siokpari pepe ti ke mo.

Abia (Psaumes) 119:153

Baa pasi ti mbi, zi mbi na ya ni, ngbanga ti so mbi girisa ndia ti mo pepe.

Abia (Psaumes) 119:16

Ambela ti mo anzere na mbi mingi, fade mbi yeke girisa tënë ti mo pepe.

Abia (Psaumes) 119:176

Mbi gue kirikiri tongana taba so agirisa; ayeke nzoni mo gi mbi, zo ti kua ti mo, ngbanga ti so mbi girisa atënë ti ndia ti mo pepe.

Abia (Psaumes) 119:34

Sara si mbi hinga ndo si mbi sara ye alingbi na ndia ti mo; mbi mu be ti mbi kue ti sara ye alingbi na ni.

Abia (Psaumes) 119:61

Azo ti sioni agbu mbi na gbanda ti ala, me mbi girisa ndia ti mo pepe.

Abia (Psaumes) 119:93

Mbi yeke girisa andia ti mo laoko pepe, ngbanga ti so na lege ti ala, mo sara si mbi duti na fini.

Abia (Psaumes) 91:16

Fade mbi yeke sara si gigi ti lo ague, ayo, alingbi na be ti lo; mbi yeke fa na lo so mbi yeke wasongo lo.”

Sigingo 20:6

Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Amato 1:8

Molenge ti mbi, mo ma wango ti babâ ti mo; aye so mama ti mo ayeke fa na mo, mo bi na peko ti mê ti mo pepe.

Amato 16:31

Vuru kua ti li ayeke tongana pendere kpoto so amu nengo na zo; zo so awara ni ayeke zo so atambula na lege ti mbirimbiri.

Amato 2:1

Molenge ti mbi, yeda na atënë ti mbi; bata andia ti mbi nzoni tongana ti so zo ayeke bata ye ti ngangu ngere.

Amato 23:26

Molenge ti mbi, mo zia be ti mo na ndö ti mbi; mo duti na ngia ti mu tapande ti mbi.

Amato 31:5

Tongana ala nyon samba ahon ndö ti ala, fade ala yeke girisa tënë ti ndia si ala yeke fâ ngbanga ti asenge zo na legeni pepe.

Amato 4:2

Biani, aye so mbi fa na ala so ayeke nzoni mingi; aye so mbi yeke fa na ala so, ala zia lege ni pepe.

Amato 4:21

Mo girisa ni pepe; mo bata ni na ya ti be ti mo.

Amato 4:5

Sara kue ti wara ndara na hingango nda ti ye. Be ti mo agirisa na atënë ti yanga ti mbi pepe; mo hon nde na atënë ni pepe.

Amato 8:1

Ndara ayeke to mbela ti iri azo, hingango ye atene tënë na kota go. Ala azo, ala ma ni pepe?

Amato 9:1

Ndara aleke *angbongboro yongoro gere ti da mbarambara; lo sara da ti lo awe.

Ésaïe 51:17

Jérusalem, zingo, zingo hio si! Londo! *KOTA GBIA amu lani na mo kopo so ngonzo ti lo asi ya ni; mo nyon ni, mo nyon ni kue, ni laa asara si li ti mo aga kirikiri so.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Ndia ti fani use ni 4:23

Ala sara hange! *Mbuki so KOTA GBIA Nzapa ti ala asara ni na ala, be ti ala agirisa na ni pepe. Ala sara yanda ndali ti ala wani pepe, wala mbeni ye so akpa limo ti zo na ti nyama. KOTA GBIA Nzapa ti ala ake na ala ti sara mara ti ye tongaso.

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ndia ti fani use ni 5:16

“Alingbi mo ne babâ na mama ti mo, tongana ti so mbi KOTA GBIA, mbi mu yanga na mo. Tongaso si gigi ti mo ague, ayo si mo yeke duti nzoni na sese so mbi KOTA GBIA Nzapa ti mo, mbi mu na mo.

Ndia ti fani use ni 5:33

Ala tambula lakue gi na lege so KOTA GBIA Nzapa ti ala afa na ala; tongaso si fade ala yeke duti na fini, gigi ti ala ayeke yo si ala yeke duti nzoni na ya ti kodro so ala yeke mu ni titene aga ti ala.

Ndia ti fani use ni 8:1

Moïse atene: Alingbi ala sara kue ti sara ye alingbi na atënë ti ndia so mbi fa na ala laso. Tongana ala sara ye alingbi na ni, fade ala yeke duti na fini si ala yeke wu mingi. Ala yeke wara lege ti mu sese so *KOTA GBIA adeba yanga ti lo ti mu na akotara ti ala.